«My tusili na Kastryčnickaj i nie źviartali ŭvahi na toje, što adbyvałasia ŭ zaścienkach KDB». Były kamiercyjny dyrektar sietki kinateatraŭ vydaŭ knihu pra svajo źniavoleńnie
«My pavinny zaśviedčyć usie złačynstvy paśla vybaraŭ 2020 hoda. Kali b da 2020-ha heta rabiłasia svoječasova, to, całkam imavierna, atrymałasia b paźbiehnuć takoha ŭzroŭniu hvałtu, pakalečanych losaŭ i horkich śloz», — napisaŭ Alaksandr Dziemidovič.
Były kamiercyjny dyrektar sietki kinateatraŭ Alaksandr Dziemidovič vydaŭ knihu «Žizń niesostojašiehosia «chimika».
«Ja zaŭsiody chacieŭ pisać. Padspudna. Asabliva nie spadziejučysia, što z hetaha vyjdzie niešta tałkovaje. Ale stała atrymlivacca. Spačatku hrafamanskija artykuły. Potym lepš. Źjaviŭsia ŭłasny styl. Ja zaŭsiody lubiŭ hety stan «prychodu», kali niby siadziš za tkackim stankom i farmiruješ sa svaich dumak cikavyja słoŭnyja paterny.
Nieprykmietna dla siabie ja staŭ kałumnistam hlancavych časopisaŭ, błohieram partała markietynhavaj supolnaści. Heta byŭ tłusty i bieskłapotny čas z 2008 pa 2018 hod.
Aśleplenyja kanśjumieryzmam i parokami, my nie zaŭvažali, što ŭ rečaisnaści adbyvajecca ŭ našaj krainie. Było vielmi zručna žyć u centry Minska, tusić na Kastryčnickaj i nie źviartać uvahi na toje, što adbyvajecca ŭ zaścienkach KDB usiaho za niekalki sotniaŭ mietraŭ ad ciabie.
Chvała niabiosam, my pačali bačyć! Ciapier ja ŭ biaśpiecy. I kali mianie pytajucca, navošta ja advažyŭsia na napisańnie dziońnika, ci nie mazachist ja, raz hatovy znoŭ apuskacca ŭ hetyja pieražyvańni, u mianie tolki adzin adkaz: my pavinny zaśviedčyć usie złačynstvy paśla vybaraŭ 2020 hoda. Kali b da 2020-ha heta rabiłasia svoječasova, to, całkam imavierna, atrymałasia b paźbiehnuć takoha ŭzroŭniu hvałtu, pakalečanych losaŭ i horkich śloz», — havorycca ŭ anatacyi da knihi.
Kniha vyjšła ŭ vydaviectvie «Januškievič», kaštuje 24,90 złotych (5,4 jeŭra) + dastaŭka: u Polščy 13,99 złotych, kurjeram 16,99. U Litvu dastaŭka kaštuje 62,99 złotych (13,85 jeŭra)
Knihu možna zamović tut
Alaksandr Dziemidovič — były kamiercyjny dyrektar sietki kinateatraŭ, jaki raniej supracoŭničaŭ z Tut.by. Byŭ zatrymany 25 maja 2022 hoda. Spačatku jaho asudzili na 15 sutak, ale paśla ich jon na volu nie vyjšaŭ, bo była zaviedziena kryminalnaja sprava pa art.342 Kryminalnaha kodeksa (hrupavyja dziejańni, jakija hruba parušajuć hramadski paradak). Alaksandr byŭ źmieščany ŭ SIZA-1 na Vaładarskaha ŭ Minsku.
22 žniŭnia 2022 hoda jamu prysudzili dva z pałovaj hady «chimii» i vyzvalili ŭ zale suda da nakiravańnia ŭ miesca adbyćcia pakarańnia. Alaksandr vyjechaŭ ź Biełarusi.
Kamientary
Ale nasamreč radaja, što Alaksandr u biaśpiecy!