Rychtujecca da druku papiarovaje vydańnie treciaj častki historyi pra pryhody kata Šprota i jahonych siabroŭ — «Kot Šprot i viežavy hadzińnik» aŭtarstva Hanny Jankuty, paviedamlaje partał bellit.info. Hetaja kniha ŭžo bolš za 2 hady isnuje ŭ aŭdyjofarmacie, ale ciapier płanujecca papiarovaja viersija ŭ vydaviectvie «Januškievič».
«Našaj kamandzie patrebnaja padtrymka dla padrychtoŭki makieta, i tamu dobryja ludzi zapuścili na polskaj placoŭcy zbor hrošaj dziela hetych metaŭ», — tłumačyć piśmieńnica i pierakładčyca Hanna Jankuta.
Mastačka Lilija Davydoŭskaja, jakaja ilustravała papiarednija častki knihi, užo pracuje nad afarmleńniem navinki. Achviaravańni pojduć mienavita na afarmleńnie knihi.
U jakaści padziaki za padtrymku ŭ kancy knihi abiacajuć zrabić asobnuju ilustravanuju staronku ź imionami ŭsich, chto na ich danaciŭ. Kali vy zachočacie, kab vašaje imia źjaviłasia na hetaj staroncy, — kali łaska, napišycie pra heta ŭ kamientary da apłaty.
Čytajcie taksama:
Biełaruskaja dyzajnierka adkryła ŭ Varšavie tvorčuju prastoru — «Dom Busłoŭ»
Dzieci rasstralanych. Dočki Klaštornaha: cud vyžyvańnia, dobryja ludzi i viartańnie ŭ Biełaruś
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary