Duchoŭny lidar Irana ajatała Ali Chamieniei zajaviŭ u aŭtorak, što Tehieran nie datyčny da napadu hrupoŭki CHAMAS na Izrail, ale vitaŭ «niepapraŭnuju» vajskovuju parazu Izraila i pravał jahonaj raźviedki.
U svaim pieršym paśla napadu vystupie pa telebačańni Chamieniei skazaŭ: «My całujem ruki tym, chto płanavaŭ napad na sijaniscki režym», piša Bi-bi-si.
«Hety razburalny ziemlatrus źniščyŭ niekatoryja krytyčna važnyja struktury (u Izraili), jakija nie budzie lohka adnavić», skazaŭ Chamieniei. — U hetaj katastrofie vinavatyja dziejańni samoha sijanisckaha režymu».
Iran admaŭlajecca pryznavać prava Izraila na isnavańnie i bačyć svajoj zadačaj jaho poŭnaje źniščeńnie, iranskija aficyjnyja asoby nie ŭžyvajuć słova «Izrail», vykarystoŭvajučy zamiest jaho eŭfiemizmy, nakštałt «varožaje ŭtvareńnie» abo «sijaniscki režym».
Iran vystupaje adnym ź viadučych sponsaraŭ ekstremisckich hrupovak, takich jak CHAMAS abo «Chiezbała», i mnohija ličać, što mienavita Iran staić za ciapierašnim napadam na Izrail ź siektara Haza.
U paniadziełak namieśnik daradcy pa nacyjanalnaj biaśpiecy ZŠA Džon Fajnier znoŭ zajaviŭ, što, choć ZŠA ličać Iran datyčnym da napadaŭ CHAMAS na Izrail, na hety momant u ZŠA niama «pramoj infarmacyi», jakaja złučaje Tehieran z hetymi napadami.
Respublikancy ŭ ZŠA rezka krytykujuć administracyju Džo Bajdena za pryniataje ŭ kancy vieraśnia rašeńnie pieradać Tehieranu zamarožanyja aktyvy na 6 młrd dalaraŭ, jakoje, jak jany ličać, raźviazała Iranu ruki ŭ padrychtoŭcy napadu na Izrail.
Padčas bajoŭ u Izraili ciažka paranieny hienierał Armii abarony — uradženiec Biełarusi
Prezident Paleściny naviedaje Maskvu
Unačy ŭ siektary Haza prahrymieli mahutnyja vybuchi
U kibucy Bieery na miažy ź siektaram Haza znajšli cieły 100 zahinułych izrailcian. Kolkaść achviar moža pavialičycca
CHAMAS pryhraziŭ zabivać pa adnym zakładniku ŭ adkaz na kožny napad Izraila na hramadzianskija budynki
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary