Vybuch prahrymieŭ kala miačeci ŭ paŭdniova-zachodniaj pravincyi Biełudžystan u piatnicu, kali ludzi sabralisia, kab adśviatkavać naradžeńnie praroka Muchamieda. Zahinuła bolš za 50 čałaviek, bolš za 50 atrymali ranieńni, piša Bi-bi-si.
Aficyjnyja asoby ŭ Biełudžystanie abviaścili nadzvyčajnaje stanovišča. Nivodnaja hrupoŭka nie ŭziała na siabie adkaznaść za hety napad.
Kadry ź miesca zdareńnia ŭ horadzie Mastunh pakazvajuć, što paranienych ratujuć supracoŭniki słužby ekstrannaj dapamohi i miascovyja žychary.
Načalnik palicyi Biełudžystana Abduł Chalik Šejch paćvierdziŭ, što vybuch byŭ ździejśnieny terarystam-śmiarotnikam. Jon skazaŭ, što staršy aficer palicyi byŭ zabity pry sprobie spynić złamyśnika.
Tym časam jašče adzin vybuch prahrymieŭ u miačeci niedaloka ad horada Piešavar u pravincyi Chajbier-Pachtunchva. Kolkaść achviar u miačeci ŭ Chanhu pakul nieviadomaja, ale palicyja paviedamlaje, što niekalki čałaviek mahli akazacca pad zavałami paśla abvalvańnia dachu.
Miačeć u Chanhu jość častkaj palicejskaha kompleksu i źmiaščaje ad 40 da 50 čałaviek.
Biełudžystan, jaki miažuje z Afhanistanam i Iranam, — heta najbujniejšaja pravincyja Pakistana, jakaja časta padviarhajecca napadam uzbrojenych bajevikoŭ, uklučajučy «Techryk-i Taliban Pakistan» (TTP), abo pakistanski «Taliban», a taksama hrupoŭki «Isłamskaja dziaržava».
Adnak TTP abvierhła dačynieńnie da vybuchu, zajaviŭšy, što takaja ataka supiarečyć jaje palitycy.
Kamientary