Minabarony RF zajaviła ab źbićci 8 bieśpiłotnikaŭ nad Čornym moram i źniščeńni troch chutkachodnych vajennych kataraŭ, jakija nibyta atakavali akupavany Krym.
U rasijskim viedamstvie zajavili pra toje, što nočču 10 vieraśnia srodkami SPA byli źniščany vosiem bieśpiłotnych latalnych aparataŭ nad akvatoryjaj Čornaha mora pablizu ŭźbiarežža Respubliki Krym.
Paźniej Minabarony RF zajaviła, što nibyta źniščyła ŭ Čornym mory i try chutkachodnyja vajennyja katary z desantnymi hrupami USU.
«Siońnia nočču ŭ zachodniaj častcy akvatoryi Čornaha mora na paŭnočny ŭschod ad vostrava Źmiainy samalotami marskoj avijacyi Čarnamorskaha fłotu źniščana try chutkachodnyja vajennyja katary vytvorčaści ZŠA Willard Sea Force z desantnymi hrupami USU, jakija nakiroŭvalisia ŭ napramku Krymskaha ŭźbiarežža», — havorycca ŭ zajavie.
Ukrainski bok infarmacyi nie kamientavaŭ.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary