Vučonyja abvierhli śćviardžeńnie ab tym, što supraćlehłaści pryciahvajucca

Jak piša The Times, niadaŭniaje daśledavańnie vučonych z Univiersiteta Kałarada (ZŠA), vyniki jakoha apublikavany ŭ časopisie Nature Human Behavior, śviedčyć ab tym, što ludzi dla pabudovy doŭhatryvałych adnosin šukajuć padobnych da siabie.

Navukoŭcy praanalizavali infarmacyju pra amal 80 tysiač tradycyjnych brytanskich par pa 133 prykmietach, sabranuju ŭ brytanskim bijabanku. Akramia hetaha jany praviali mieta-analiz 199 papiarednich daśledavańniaŭ, u jakich razhladałasia karelacyja pamiž partniorami pa 22 charaktarystykach. Karelacyi budavalisia pa škale, u jakoj nul adznačaŭ adsutnaść padabienstva i 1 — poŭnaje supadzieńnie.

Jak adznačajuć daśledčyki, najbolš vysokaj była karelacyja adnosna hoda naradžeńnia (0,87). Akramia hetaha vysoki ŭzrovień karelacyi naziraŭsia pa takich pazicyjach, jak relihijnyja i palityčnyja pohlady, uzrovień adukacyi, užyvańnie ałkaholu ci kureńnie.

Supadzieńni naziralisia navat pa takich prykmietach, jak uzrost baćkoŭ, koler vałasoŭ, našeńnie akularaŭ, kolkaść bratoŭ i siaścior u siamji, ahulny ŭzrovień ščaścia, finasavaje zadavalnieńnie.

U toj čas, jak antrapamietryčnyja prykmiety (rost, vaha) demanstravali značny nižejšy ŭzrovień karelacyi. Tak indeks masy cieła pakazaŭ karelacyju na ŭzroŭni 0,16.

Adnym z najbolš dziŭnych vynikaŭ stała toje, što amal adsutničała karelacyja pamiž ekstraviertnymi i intraviertnymi rysami charaktaru.

Jak adznačajuć vučonyja, ich vyniki śviedčać ab tym, što navat u situacyjach, kali my dumajem, što ŭ nas jość vybar, z kim budavać adnosiny, nami kirujuć miechanizmy, jakich my całkam nie ŭśviedamlajem, i my vybirajem padobnaha da siabie čałavieka.

Dla spraviadlivaści treba adznačyć, što daśledavańnie pakazała niekalki prykmiet, pa jakich była admoŭnaja karelacyja, što śviedčyć na karyść mierkavańnia ab pryciahnieńni supraćlehłaściej. Siarod ich — bijarytmy («sava» i «žaŭruk»), prablemy z słycham, asnoŭnaja ruka (praŭša ci laŭša).

Vučonyja adznačajuć, što vyniki ich daśledavańnia abviarhajuć mnohija hienietyčnyja madeli, jakija śćviardžajuć, što ŭtvareńnie par u čałavieka adbyvajecca vypadkovym čynam. Na samoj spravie partniorskija adnosiny z bolšaj imaviernaściu ŭtvarajuć ludzi, jak toj kazaŭ, «z adnoj hliny źleplenyja».

Čytajcie jašče:

Ludzi, jakija rehularna vitajucca z susiedziami, majuć vyšejšy pakazčyk dabrabytu

Piać moŭ kachańnia. Jakaja vašaja?

«Partnioraŭ niejrasietka padbiraje cynična». Ale voś jak sajt znajomstvaŭ Hot Chat 3000 acaniŭ Kalinoŭskaha

• 10
• 0
• 1
• 0
• 1
• 0
• 1
• 0