Sprava ab «zdradzie radzimy» hamielčuka, jaki pryznaŭsia ŭ pracy na KDB, pralivaje śviatło na novy prysud Kaciarynie Andrejevaj
Žychar Homiela Siarhiej Vasiljeŭ źbieh ad KDB u Polšču, a potym viarnuŭsia i sieŭ na 11 hadoŭ. Na hetuju składanuju historyju źviarnuła ŭvahu vydańnie Reform.by. Vyhladaje, što jana źviazanaja z dadatkovaj spravaj palitźniavolenaj Kaciaryny Andrejevaj, a taksama ź dziejnaściu łukašenkaŭskaj ahientury ŭ krainach Jeŭrasajuza.
U červieni 2021 hoda fatohraf-amatar Siarhiej Vasiljeŭ atrymaŭ 11 hadoŭ kałonii ŭzmocnienaha režymu. Pra hety vypadak praktyčna ničoha nieviadoma šyrokaj publicy, ale sam siužet padobny da špijonskaha sieryjała, historyja jakoha pačałasia ŭ 1990-ja.
Siarhiej Vasiljeŭ vyrašyŭ pryznacca, što bolš za 20 hadoŭ supracoŭničaŭ z KDB, paśla taho, jak zmoh vyjechać u Polšču razam z žonkaj i dźviuma dočkami. U červieni 2017 hoda jon daŭ intervju žurnalistcy «Biełsat» Kaciarynie Andrejevaj i raskazaŭ pra zadańni, jakija jon vykonvaŭ.
Ź videa, źniatych Vasiljevym, stali viadomyja i imiony niekatorych jaho kurataraŭ.
Adzin ź ich, Alaksiej Cyhankoŭ, pražyvaŭ u Homieli, a paśla ślady Cyhankova vyjaŭlajucca ŭ Polščy. U listapadzie 2022 hoda jon zarehistravaŭ va Urocłavie indyvidualnaje pradpryjemstva i pačaŭ akazvać pasłuhi pa prahramavańni. Tam ža žyvie jaho dačka. Miarkujučy ź ich profilaŭ u LinkedIn, u Polščy jany z kastryčnika 2021 hoda.
U 2019 hodzie Vasiljeŭ čamuści vyrašaje viarnucca ŭ Biełaruś. Hod jaho nie čapali.
Bolš pra hetuju historyju i jaje niabačnyja nitki čytajcie ŭ rasśledavańni na sajcie Reform.by. Žurnalisty hetaha vydańnia miarkujuć, što novy termin Andrejevaj i byłoha sieksota źviazany z tym, kab Cyhankoŭ zmoh bieśpieraškodna pracavać za miažoj.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič7
Kamientary