Z-za svajoj asablivaj jarkaj źniešnaści rudyja katy stali ŭlubioncami mnohich siemjaŭ.
Kožny hod 1 vieraśnia ŭ śviecie adznačajuć Dzień rudych katoŭ. Z-za svajoj asablivaj jarkaj źniešnaści rudyja katy stali ŭlubioncami mnohich siemjaŭ.
Katy-varkoty koleru apielsina — častyja spadarožniki hierojaŭ knih abo filmaŭ. Da taho ž afarboŭka rudych katoŭ najbolš raspaŭsiudžanaja ŭ mastactvie.
Cikavyja fakty ab rudych katach
Rudyja katy i koški nie asacyjujucca ni z adnoj kankretnaj parodaj. Takaja afarboŭka prymalnaja praktyčna dla ŭsich parod. Zrešty, pavodle apisańnia ŭzoru na poŭści, usie rudyja katy i kotki — pradstaŭniki tabi, ci, paprostu kažučy, «pałasaciki». Niama takoha kata z adnatonnaj poŭściu, na joj zaŭsiody bačnyja pałoski, piša pets.24tv.ua.
Rudyja katy majuć bahatuju palitru koleraŭ: adny ciomna-rudyja, druhija bolš kremavaha koleru abo aranžavyja. Heta tłumačycca śpiecyfičnym pihmientam, jaki nazyvajecca fieamiełanin. Heta toj samy pihmient, jaki robić rudymi vałasy ŭ ludziej.
Takija katy dosyć padobnyja da ludziej: u kacianiat časta źjaŭlajucca viasnuški na nosie, a časam i na rocie.
Viadomyja rudyja katy
Pieršaje, što prychodzić u hałavu, — heta, viadoma ž, rudy kot Harfiłd z adnajmiennaha multfilma. Jon lanivy, nienavidzić paniadziełak, pje kavu, lubić lažać i zmahajecca suprać sabaki-sužyciela Adzi. Mienavita dziakujučy hetamu piersanažu rudyja katy časta atrymlivajuć imia Harfiłd.
Rudyja katy ŭ filmach:
- Apielsin sa «Śniadanku ŭ Cifani»;
- Džons z «Inšapłaniecianina»;
- Kot u botach sa «Šreka-2»;
- Siastra Katnis mieła aranžavaje kaciania ŭ «Hałodnych hulniach»;
- Kot Hiermijony Hrendžer — Krukšenks (Kasałapsus, jon ža Žyvahłot) z «Hary Potera».
Takim čynam, kali ŭ vas jość rudy kot, abaviazkova pačastujcie jaho čym-niebudź smačnieńkim. A kali niama — heta vydatnaja mahčymaść jaho zavieści i atrymać viernaha i śmiešnaha rudoha siabra.
Žančyna vypuściła klučy ŭ dzirku, ale joj pryjšoŭ na dapamohu badziažny kot
Kot pabiŭ suśvietny rekord pa skačkach praz skakałku siarod katoŭ
U Biełarusi možna zastrachavać chatniaha hadavanca. Trenirujemsia na kotcy
«Chrapie načami tak, što my pračynajemsia». Historyja maładziečanskaj kotki, jakaja čakała haspadaroŭ, ščaśliva zaviaršyłasia
Sara Džesika Parkier zabrała sa zdymačnaj placoŭki miłaje kaciania
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni11
Kamientary