Kino

Biełaruski film «Radzima» vyłučany na premiju Jeŭrapiejskaj kinaakademii

Film daśleduje hvałt u vojsku i hramadstvie i sacyjalnyja normy, jakija za im stajać, piša Reform.by.

Kadr ź filma «Radzima». Fota: krakowfilmfestival

Dakumientalnaja stužka «Radzima» (Mortherland) biełaruskich aŭtaraŭ Hanny Badziaki i Alaksandra Michałkoviča abranaja ŭ lik čatyrnaccaci naminantaŭ na premiju Jeŭrapiejskaj kinaakademii. Karcina vyłučanaja ŭ siekcyi «Dakumientalnaje kino», paviedamlajecca na sajcie instytucyi.

Film Hanny Badziaki i Alaksandra Michałkoviča daśleduje hvałt u vojsku i hramadstvie i sacyjalnyja normy, jakija za im stajać.

U kino raspaviadajecca pra maci, jakaja straciła syna, kali jon słužyŭ u vojsku. Jaho znajšli miortvym.

«Pakul Śviatłana sprabuje pralić śviatło na kulturu hvałtu i ździekaŭ u biełaruskich Uzbrojenych siłach, hrupie maładych siabroŭ z techna-andehraŭndu nieŭzabavie samim pahražaje pryzyŭ u vojska, — adznačajecca ŭ anatacyi da karciny. — Jany chodziać na rejv-viečaryny ŭ majkach i kruhłych soncaachoŭnych akularach, ale praź imhnieńnie viečarynka moža skončycca — prynamsi, tady, kali na vulicach uspychnuć masavyja pratesty paśla niadaŭniaha «pieraabrańnia» dyktatara-prezidenta i prychilnika Pucina Alaksandra Łukašenki. Problisk nadziei i abiacańnie pieramien, jakija tolki prymušajuć žorstkaść aŭtarytarnaha hramadstva prajavicca ŭ poŭnuju siłu».

Stužka sioleta była adznačana na mižnarodnych fiestyvalach: u pryvatnaści, atrymała hałoŭny pryz Dox:Award na Kapienhahienskim mižnarodnym fiestyvali dakumientalnaha kino CPH:DOX, pryz Mižnarodnaj fiederacyi kinakrytykaŭ FIPRESCI na Mižnarodnym fiestyvali kino Centralnaj i Uschodniaj Jeŭropy goEast u Visbadenie.

U nastupnyja tydni 4600 členaŭ Jeŭrapiejskaj kinaakademii pačnuć prahlad vybranych filmaŭ. Naminanty na pieramohu ŭ siekcyi «Dakumientalnaje kino» jašče buduć dadavacca, ale 7 listapada pa vyniku hałasavańnia budzie sfarmiravany «doŭhi list» filmaŭ-kankursantaŭ. Zatym siabry Jeŭrapiejskaj kinaakademii prahałasujuć za pieramožcu, jaki budzie abvieščany na cyrymonii ŭručeńnia Jeŭrapiejskaja kinapremii ŭ Bierlinie 9 śniežnia 2023 hoda.

Cyrymonija ŭručeńnia Jeŭrapiejskaj kinapremii — samaj viadomaj i prestyžnaj premii jeŭrapiejskaha kino — pravodzicca Jeŭrapiejskaj kinaakademijaj i European Film Academy Productions.

Kamientary

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy19

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel2

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask30

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →