Vajskoŭcy ŭ Habonie skasavali vyniki prezidenckich vybaraŭ. Baćka i syn Bonha kiravali krainaj doŭhija 56 hadoŭ
Raniej prezident Ali Bonha Andzimba, jaki zajmaje pasadu z 2009 hoda, nabraŭ na vybarach 64,27% hałasoŭ, tym samym pieraabraŭšysia na treci termin.
Vajennyja Habona pa telebačańni abviaścili pra skasavańnie vynikaŭ prezidenckich vybaraŭ i rospusku ŭsich dziaržaŭnych instytutaŭ.
Vajskoŭcy źjavilisia ŭ efiry telekanała Gabon24 paśla taho, jak dziaržaŭny vybarčy centr abviaściŭ pra pieraabrańni dziejnaha prezidenta krainy Ali Bonha Andzimba na treci termin. Sałdaty zajavili, što jany nie zhodnyja z vynikami vybaraŭ.
«Nazirajučy biezadkaznaje kiravańnie krainaj, jakoje pryvodzić da paharšeńnia sacyjalnaj zhurtavanaści, jakoje ryzykuje pryvieści krainu da chaosu, my vyrašyli abaranić mir, pakłaŭšy kaniec ciapierašniamu režymu», — zajaviŭ adzin z 12 vajskoŭcaŭ, jakija byli ŭ kadry.
Sałdaty taksama paviedamili, što miežy Habona zakrytyja «da dalejšaha paviedamleńnia».
64-hadovy Ali Bonha Andzimba, jaki pieramoh na vybarach prezidenta, zajmaje pasadu kiraŭnika dziaržavy z 2009 hoda. Pavodle aficyjnych źviestak, jon nabraŭ 64,2% hałasoŭ. Jaho hałoŭnym supiernikam byŭ prafiesar ekanomiki Albier Onda Osa, jaki atrymaŭ 30,7% hałasoŭ.
Paśla abviaščeńnia vynikaŭ apazicyja abvinavaciła pieraabranaha prezidenta ŭ parušeńniach na vybarach.
Ali Bonha Andzimba, jaki zajmaje pasadu z 2009 hoda, nabraŭ na vybarach 64,27% hałasoŭ, tym samym pieraabraŭšysia na treci termin.
Cikava, što pierad hetym jahony baćka El-Chadž Amar Bonha Andzimba (jon mieŭ imia Albier-Biernar, ale pierajšoŭ u isłam) kiravaŭ krainaj 42 hady: z 1967 da 2009 hoda.
Naftavyja radoviščy i zamiežnyja inviestycyi dapamahli zrabić Habon adnoj z samych bahatych i stabilnych dziaržaŭ Afryki z 8-m pa vieličyni indeksam raźvićcia, čaćviortym pa vieličyni VUP na dušu nasielnictva (naminał) u čornaj Afrycy. Adnak z-za niaroŭnaści ŭ raźmierkavańni dachodaŭ značnaja častka nasielnictva zastajecca biednaj. Terytoryja krainy składaje 267 tysiač kvadratnych kiłamietraŭ (heta bolš, čym Biełaruś), nasielnictva — 2,2 młn čałaviek.
Cichanoŭskaja pavinšavała tvitar z hadavinaj bitvy pad Oršaj. I tut pačałosia6
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary