Žančyna vyjechała z kvatery, raźličyłasia, skasavała damovu, ale praź dziesiać hadoŭ ź jaje spahnali 4700 rubloŭ za «kamunałku»
Dziŭnyja rečy časam adbyvajucca pobač z nami. Pra vializarnuju i niezrazumiełuju zapazyčanaść raptam daviedałasia našaja suajčyńnica S. Patrabavańnie zapłacić 4700 rubloŭ prylacieła joj ad kamunalnikaŭ paśla 10 hadoŭ, jak jana pa tym adrasie nie žyła, piša Onliner.
Sprava była takaja. S. razam ź siamjoj žyła ŭ kvatery ŭ ahraharadku Straličava Chojnickaha rajona. U 2013-m žančyna vyrašyła źmianić svoj los: viarnuła klučy ad žylla, źvieryła z ŽKH ličylniki i apłatu za kamunałku i pierajechała ŭ Minskuju vobłaść. Žyła sabie i pracavała. Jak raptam u dźviery pastukali.
Akazałasia, što straličaŭskija kamunalniki vyrašyli vystavić žančynie rachunki za 2018—2022 hady. «Kamunałku» vystavili ŭ pamiery 2261 rubli, pienia — jašče 2424 rubli. Usiaho — 4685 rubloŭ. Bolš za toje, hetyja hrošy z ašałomlenaj žančyny navat zmahli ŭtrymać.
Adnak sioleta hety zahadkavy vypadak trapiŭ na razhlad prakuratury Chojnickaha rajona. Vyśvietliłasia, što ŭ pieryjad, za jaki z S. spahnali zapazyčanaść, žančyna ŭ kvatery sapraŭdy nie žyła. Zjechaŭšy ŭ Minskuju vobłaść, jana ŭžo tam składała damovy najmu žyłych pamiaškańniaŭ i rehistravałasia ŭ adpaviednaści z patrabavańniami zakanadaŭstva. Akramia hetaha, vyśvietlili, što paśla adjezdu S. z kvatery žyllo pradastaŭlałasia dla pražyvańnia inšym hramadzianam.
— Z vyjezdam S. ź siamiejnikami z kvatery ŭ ah. Straličava damova najmu była skasavana, padstaŭ dla naličeńnia płaty za pasłuhi ŽKH i inšych płat nie było», — tłumačać u prakuratury. — Tamu prakuror Chojnickaha rajona źviarnuŭsia ŭ rajonny sud ź iskam u intaresach S. ab spahnańni na karyść S. nieabhruntavanych naličeńniaŭ z pradpryjemstva.
Pradpryjemstva z takim pavarotam nie pahadziłasia. Tam śćviardžajuć, što pry vyjeździe z kvatery S. nie pieradała najmadaŭcu žyllo pa akcie pryjomu-pieradačy. Mienavita heta i pasłužyła padstavaj dla naličeńnia płaty.
Adnak rašeńniem suda Chojnickaha rajona pazoŭ prakurora rajona ŭ intaresach žančyny byŭ zadavoleny ŭ poŭnym abjomie. Sudovaja pastanova nabyła zakonnuju moc.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary