U Biełarusi vypuścili niezvyčajnaje marožanaje — ź piercam i admietnaj kalekcyjaj inšych smakaŭ
Navinku prezientavali na pradpryjemstvie «Kobrynskija syry».
Marožanaje ŭ vaflevym stakančyku stvaryli dla tych, kamu nadakučyła zvykłaja «kłasika», piša Tochka.by.
Niezvyčajnaja kambinacyja smakaŭ — spałučeńnie višni, piercu čyli i mołataha piercu — pryjdziecca daspadoby tym, chto choča pakaštavać čaho-niebudź niezvyčajnaha.
«Pierac čyli i mołaty pierac nadajuć marožanamu niepaŭtornuju pikantnaść i vastryniu. Višniovaje piure dadaje pryjemnuju kiślinku i asablivy vodar», — raspaviali na pradpryjemstvie.
U sacsietkach karystalniki dzielacca ŭražańniami. Tyja, chto ŭžo paśpieŭ znajści na pryłaŭkach marožanaje ź piarčynkaj, zapeŭnili, što vyjšła smačna i niezvyčajna:
«Mnie vielmi spadabałasia takoje marožanaje! I spadabałasia višniovaje načyńnie, pa kansistencyi, i smak naohuł — vastrynka-piarčynka nievialikaja, pryjemnaja. Možna navat krychu bolš, ale i tak vydatna», «Načyńnie z rezkaj višni — vydatna. Vastryni nie adčuvajecca, vykanać treba ŭ biełym płambiry. Na pierapracoŭku)».
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary
a maroziva kłasnaje. tolki sapraŭdy - da rezkaj višni biełaha b dadać 🍚🌶️