Fota: U24.gov.ua

Fota: U24.gov.ua

Žurnalisty amierykanskaj telekampanii CNN raspaviali, što pieršymi atrymali dostup na sakretnuju bazu ŭkrainskich VMS, dzie vajskoŭcy naładžvajuć i testujuć adzin z najbolš staranna achoŭnych ukrainskich sakretaŭ — udarnyja marskija drony, piša Bi-bi-si.

Marskija drony dazvolać ukraincam nazirać za situacyjaj u Čornym mory i na Krymskim paŭvostravie i atakavać rasijskija nadvodnyja celi. Pa vajennaj sile ŭkrainski fłot i siły bierahavoj abarony nie mohuć paraŭnacca z rasijskimi, i marskija aparaty stali važnym instrumientam baraćby na mory.

Žurnalisty CNN — pieršyja, chto atrymaŭ dostup na hetuju sakretnuju i staranna achoŭnuju bazu na adnym z ukrainskich azior.

Ich surazmoŭcy admovilisia nazvać svaje poŭnyja imiony i zvańni va Uzbrojenych siłach Ukrainy.

Apieratar marskoha drona, jaki nazvaŭsia «Akuła», pakazaŭ žurnalistam pult kiravańnia, sabrany ŭ śpiecyjalnym čamadančyku.

Unutry — niekalki vyrablenych na zakaz ekranaŭ, džojściki, ručki i knopki, niekatoryja ź jakich prykrytyja kaŭpačkami, kab vypadkova nie nacisnuć na ich, asabliva na knopku z nadpisam «padryŭ».

Apošnija viersii dronaŭ, ź jakimi ŭdałosia aznajomicca žurnalistam CNN, važać da 1000 kiłahramaŭ, niasuć da 300 kiłahramaŭ vybuchoŭki, majuć zapas chodu — da 800 kiłamietraŭ z maksimalnaj chutkaściu da 80 km/h.

Raspracoŭščyk drona, jaki pažadaŭ zastacca nieviadomym, skazaŭ, što pracu nad aparatam pačali tolki paśla pačatku poŭnamaštabnaj vajny. Pavodle jaho słoŭ, heta była važnaja praca, bo va Ukrainy było nie tak šmat sił, kab supraćstajać marskoj dziaržavie — Rasii.

«Nam treba było raspracavać niešta svajo, bo svajoj vytvorčaści ŭ nas nie było», — raspaviadaje jon.

Fota: U24.gov.ua

Fota: U24.gov.ua

«Hetyja drony — całkam ukrainskaj vytvorčaści, — praciahvaje raspracoŭščyk. — Jany sprajektavanyja i vyprabavanyja tut. My sami vyrablajem karpusy, elektroniku i prahramnaje zabieśpiačeńnie. Bolš za 50% vytvorčaści znachodzicca va Ukrainie».

Ukraincy davoli aktyŭna ŭžyvajuć marskija drony. Krynicy va ŭkrainskich abaronnych viedamstvach paćvierdzili CNN, što takija aparaty ŭdzielničali jak minimum u dźviuch niadaŭnich atakach: na Kierčanski most u lipieni i na port Sievastopal u Krymie ŭ kastryčniku minułaha hoda.

Načnaja ataka na Krymski most była śpiecapieracyjaj Vajskova-marskich sił USU i Słužby biaśpieki Ukrainy, jak paviedamili tady BBC News Ukraina krynicy ŭ SBU.

«Most atakavali z dapamohaj nadvodnych dronaŭ. Dajści da mosta było składana, ale ŭrešcie heta ŭdałosia», — raspaviała krynica ŭ SBU, praŭda, nijakich inšych padrabiaznaściaŭ nie raskryła.

U vyniku napadu častka mosta była vyviedzienaja sa stroju i nie budzie ekspłuatavacca jak minimum da vieraśnia.

29 kastryčnika 2022 hoda niekalkim aparatam udałosia prarvacca da stajanki karabloŭ i, pa danych brytanskaj raźviedki, paškodzić tralščyk «Ivan Hałubiec» i frehat «Admirał Makaraŭ».

Paśla hetaha USU ździejśnili jašče niekalki sprob atakavać Sievastopal.

Jak minimum adna ataka była vykananaja suprać karabla ŭ adkrytym mory. Ranicaj 24 maja try marskija drony atakavali rasijski raźviedvalny karabiel «Ivan Churs», što, jak paviedamiła rasijskaje Minabarony, znachodziŭsia za 140 kiłamietraŭ na paŭnočny ŭschod ad praliva Basfor.

Rasijskija vajskoŭcy śćviardžajuć, što ŭsie try katary byli źniščanyja, ale USU apublikavali videazapis z kamiery adnaho ź ich, i na hetych kadrach vidać, što dron zmoh dabracca da karabla ŭščylnuju. Paśla, praŭda, Rasija pakazała fatahrafii «Chursa», jaki viarnuŭsia ŭ Sievastopal svaim chodam.

Rasijanie jašče nie paśpieli prystasavacca da novych mahčymaściaŭ Ukrainy, śćviardžajuć raspracoŭščyki dronaŭ.

«Vielmi ciažka trapić u taki maleńki dron, jaho vielmi składana znajści, — kaža adzin ź ich. — Na hety momant chutkaść hetych dronaŭ pieravyšaje chutkaść luboha marskoha sudna ŭ Čarnamorskim rehijonie».

Jon śćviardžaje, što ich praca pa rasijskich vajenna-marskich celach prymušaje rasijan adychodzić dalej u Čornaje mora, što abciažarvaje naniasieńnie rakietnych udaraŭ pa Ukrainie. «300, 400, 600 kiłamietraŭ — heta vialikaja adlehłaść, jakaja robić niemahčymymi adny apieracyi i abciažarvaje inšyja», — kaža jon.

Pavodle jaho, heta robić takija harady, jak Adesa, bolš biaśpiečnymi.

Adnak paśla ŭdaru pa Kierčanskim moście horad niekalki dzion padviarhaŭsia intensiŭnym pavietranym napadam bieśpiłotnikaŭ i kryłatych rakiet, vypuščanych u tym liku i z karabloŭ Čarnamorskaha fłotu Rasii. Pad udaram akazałasia 25 abjektaŭ Suśvietnaj spadčyny JUNIESKA, raźmieščanych u horadzie. Maskva zajaviła, što heta była reakcyja ŭ adkaz, nakiravanaja na rajon, dzie, na jaje dumku, budavalisia i zachoŭvalisia marskija drony.

Siarod raspracoŭščykaŭ marskich dronaŭ, adnak, panuje aptymizm.

«Ja dumaju, što projdzie 5—10 hadoŭ ci navat bolš, pierš čym rasijanie zmohuć efiektyŭna supraćstajać hetamu typu abstalavańnia, — kaža jon. — Ich abstalavańnie — heta XX stahodździe, naša — XXI. Nas padzialaje cełaje stahodździe».

Клас
8
Панылы сорам
0
Ха-ха
2
Ого
0
Сумна
0
Абуральна
1