U Polščy za 14 miesiacaŭ zatrymanyja 22 špijony ź Biełarusi i Rasii
Rasijskija śpiecsłužby sprabujuć naraścić maštab ukaranieńnia ŭ Polščy. Jany sprabujuć vierbavać novych ahientaŭ.
Polšča za 14 miesiacaŭ zatrymała 22 špijonaŭ ź Biełarusi i Rasii. Takija źviestki pryvioŭ pradstaŭnik ministra-kaardynatara śpiecsłužby Stanisłaŭ Žaryn.
«Ciapier my bačym uzmacnieńnie biełaruskich i rasijskich słužbaŭ, što paćviardžajuć ličby — ciaham apošnich 14 miesiacaŭ my zatrymali 22 špijonaŭ z hetych dźviuch krain», — cytuje słovy Žaryna Reform.by.
Rasijskija śpiecsłužby sprabujuć naraścić maštab ukaranieńnia ŭ Polščy. Jany sprabujuć vierbavać novych ahientaŭ. U tym liku tamu ŭ sakaviku 2022 hoda byli vypravadžanyja z krainy 45 rasijskich dypłamataŭ.
«Heta byli ludzi, jakija pravodzili roznaha rodu raźviedvalnyja mierapryjemstvy ŭ našaj krainie. Kali ich nie stała, Kramlu daviałosia šukać novyja sposaby pracy. Tyja ludzi, jakich my zatrymali apošnimi miesiacami, byli tolki prajavaj hetaha», — dadaŭ jon.
Nahadajem, sioleta polskija śpiecsłužby zajavili, što razhramili rasijskuju špijonskuju sietku. Pa spravie byli zatrymanyja 15 hramadzian Biełarusi, Rasii i Ukrainy. Pavodle viersii polskaha boku, jany viali nazirańnie za vajennymi abjektami, infrastrukturaj i navat rychtavali dyviersii na čyhuncy, nakiravanyja suprać pastavak va Ukrainu vajennych i humanitarnych hruzaŭ.
Žaryn ličyć, što Rasija pasprabuje ŭździejničać na parłamienckija vybary ŭ Polščy, u tym liku z dapamohaj prapahandy, roznych akcyj, naprykład, stymulujučy mihracyjnyja patoki praź miažu ź Biełaruśsiu.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ6
Kamientary