U Pinsku prajšoŭ «Parad kalasak». Pieramahła — u vyhladzie BiełAES
Učora ŭ Pinsku prajšoŭ «Parad kalasak», jakija fantazijaj svaich stvaralnikaŭ pavinny byli ŭrazić haściej śviata i žury. Pieramahła sapraŭdy niezvyčajnaja kalaska.
Na śviacie byli kalaski samyja roznyja: i ŭ vyhladzie kazačnaha domika, i ŭ vyhladzie hazavaj plity.
Vyznačyć pieramožcu było składana, jak piša miascovaje vydańnie «Pinski Vieśnik». Usie ŭdzielniki šou atrymali siertyfikaty i inšyja padarunki. Ale pieršaje miesca pryznačyli siamji Viareničaŭ.
Jany zrabili kalasku ŭ vyhladzie BiełAES.
U šmatdzietnaj siamji Viareničaŭ najstarejšamu synu Uładzimiru — piać hadoŭ, bliźniatam Juryju i Dźmitryju — pa siem miesiacaŭ. Baćki Natalla i Ihar pracujuć u Pinskich ciepłavych sietkach — filijale RUP «Brestenierha». Čamu ich natchniła akurat vyjava Biełaruskaj AES?
— Našy małyja — sapraŭdny jadzierny reaktar. Heta nievyčerpnaja krynica enierhii, śviatła i ciapła, — adkazała maci Natalla.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary