PVK «Vahnier» paviedamiła, što prypyniaje nabor najmitaŭ praź niaŭdzieł u vajnie i pierajezd u Biełaruś
Rehijanalnyja centry «Vahniera» prypyniajuć nabory na miesiac.
«U suviazi z časovym niaŭdziełam PVK «Vahnier» u śpiecyjalnaj vajennaj apieracyi i pierajezdam u Respubliku Biełaruś my časova prypyniajem pracu rehijanalnych centraŭ pa nabory ŭ PVK «Vahnier» terminam na adzin miesiac», — takaja infarmacyja źjaviłasia ŭ adnym z kanałaŭ, źviazanych z kampanijaj Jaŭhiena Pryhožyna.
Raniej paviedamlałasia, što nabor idzie jak zvyčajna.
Nahadajem, paśla miaciažu Pryhožyna, jaki pačaŭsia ŭviečary 23 červienia, a ŭviečary nastupnaha dnia Pryhožyn sam vyrašyŭ jaho spynić, Pucin prapavanaŭ jamu i najmitam pierajechać u Biełaruś. Pieramovy z Pryhožynym ab «pieramirji» vioŭ tady ŭ tym liku Łukašenka. Viadoma taksama, što pad Asipovičami pačali adnaŭlać zakinuty vajskovy haradok i stavić tam pałatki — heta viadoma ad miascovych žycharoŭ i vidać pa śviežych spadarožnikavych zdymkach.
Ci sapraŭdy tudy pierajeduć vahnieraŭcy i ŭ jakoj kolkaści, pakul dakładna nieviadoma.
«Pryhožyn na zvanki Łukašenki adkazvać nie chacieŭ». Rasijskaja prapahanda źniapraŭdziła viersiju Łukašenki ab pieramovach z Pryhožynym
Źjavilisia śviežyja spadarožnikavyja zdymki namiotavaha łahiera, jaki stavicca pad Asipovičami. Maštaby ŭražvajuć
«Vahnieraŭcy, biełarusy vas nie klikali ŭ svaju krainu». U Minsku źjaviŭsia pratesny płakat FOTAFAKT
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?4
Kamientary