Telekanał CNN paviedamiŭ, što znakamituju śpiavačku Madonnu vypisali z balnicy, i ciapier jana znachodzicca doma ŭ Ńju-Jorku pad nahladam lekaraŭ.
«Ź joj usio ŭ paradku», — skazała krynica CNN.
Učora mieniedžar Madonny Haj Asiry paviedamiŭ u instahramie, što ŭ subotu ŭ śpiavački raźviłasia «surjoznaja bakteryjalnaja infiekcyja». Jaje špitalizavali i źmiaścili ŭ adździaleńnie intensiŭnaj terapii na niekalki dzion.
Madońnie, ci Łuizie Vieranicy Čykone Ryčy, ciapier 64 hady. Svaju muzyčnuju karjeru jana pačała ŭ 1979 hodzie jak barabanščyca ŭ ńju-jorkskim rok-hurcie Dena Hiłroja Breakfast Club, a nieŭzabavie pierajšła da ihry na hitary i śpievu.
Z kanca 1980-ch za Madonnaj tryvała zamacavaŭsia tytuł «karalevy pop-muzyki», a ŭ 2000 hodzie jaje ŭnieśli ŭ Knihu rekordaŭ Hiniesa jak samuju paśpiachovuju vykanaŭcu ŭsich časoŭ.
Kamientary