Ciapier USU zamacoŭvajucca na dasiahnutych rubiažach.
Siły abarony Ukrainy ŭ kancy minułaha tydnia pačali nastup na niekalkich kirunkach na ŭschodzie krainy i pa stanie na ranicu paniadziełka prasunulisia napierad na 1-2 km, jak paviedamiła ŭ svaim telehram-kanale namieśnica ministra abarony Hanna Malar.
«Našy vojski na ŭschodzie ŭ kancy minułaha tydnia pačali kontrnastupalnyja dziejańni ŭ rajonach Arechava-Vasiljeŭki, Bachmuta, Bahdanaŭki, Jahadnaha, Klaščyjeŭki i Kurdziumaŭki. Na kožnym z kirunkaŭ prasoŭvańnia ad 1 da 2 km. Ciapier vojski zamacoŭvajucca na dasiahnutych rubiažach i praciahvajuć źniščać voraha», — napisała jana.
U toj ža čas akupanty, pa jaje słovach, sprabavali nastupać na Limanskim, Bachmuckim, Aŭdziejeŭskim i Marjinskim napramkach. Na praciahu minułaha tydnia na hetych napramkach adbyłosia kala 250 bajavych sutyknieńniaŭ. Ale vycieśnić ukrainskija vojski z zajmanych pazicyj vorah nie zmoh. Ciažkija bai praciahvajucca.
Pa słovach Malar, za minuły tydzień na ŭschodzie rasiejcy ździejśnili 6457 abstrełaŭ, vypuściŭšy 315 006 bojeprypasaŭ. Namieśnica ministra padkreśliła, što ŭ paraŭnańni ź minułym tydniem kolkaść abstrełaŭ pavialičyłasia.
Jana taksama dadała, što stanovišča na poŭdni za minuły tydzień istotnych źmien nie źviedała.
«Siły abarony Ukrainy praciahvali viadzieńnie nastupalnaj apieracyi na Mielitopalskim i Biardzianskim napramkach. Za tydzień u vyniku palapšeńnia apieratyŭnaha (taktyčnaha) stanovišča i vyraŭnoŭvańnia linii frontu pavialičyłasia płošča vyzvalenych terytoryj na 17 km²».
Namieśnica ministra padkreśliła, što ŭsiaho z momantu pačatku nastupleńnia vyzvalenaja płošča na poŭdni składaje 130 kvadratnych kiłamietraŭ.
«Chacia b raz na try dni pavinien słuchać». Milicyjanier raskazaŭ, jak prasłuchoŭvaŭ biełarusaŭ6
Kamientary
Nad ta doŭha hulalisia z hrettami ŭ ekałahičny kryzis