Pucin jak byccam druhi karol antysiemityzmu paśla Hitlera — Zialenski
Tak prezident Ukrainy adreahavaŭ na słovy Pucina pra toje, što jon «nie jaŭrej, a hańba jaŭrejskaha naroda».
Žurnalist Bi-bi-si spytaŭ ukrainskaha prezidenta ab jaho reakcyi na toje, jak kiraŭnik Rasii Pucin na minułym tydni nazvaŭ Zialenskaha «hańbaj jaŭrejskaha naroda», piša «Ukrainskaja praŭda».
Zialenski straciŭ mnohich svaich svajakoŭ padčas Chałakostu, uklučajučy dzieda, i było vidavočna, što pytańnie zaśpieła jaho źnianacku. Jon hłyboka ŭzdychnuŭ, apuściŭ hałavu i praź niekalki siekund skazaŭ, što nie zusim upeŭnieny, jak adkazać na pytańnie.
«Takoje ŭražańnie, što jon nie da kanca razumieje svaje słovy. Vybačajcie, ale ž jon druhi hałoŭny antysiemit (king of antisemitism) paśla Hitlera. I heta kaža prezident. Cyvilizavany śviet nie moža tak vykazvacca. Ale dla mianie było važna pačuć reakcyju śvietu, i ja ŭdziačny za padtrymku», — skazaŭ Zialenski.
Jaŭrejskaja kanfiederacyja Ukrainy taksama adkazała na słovy Uładzimira Pucina.
«Uładzimir Zialenski — lidar, jaki pakazaŭ prykład mužnaści svajmu narodu i ŭsiamu śvietu. Uładzimir Zialenski — hieroj nie tolki jaŭrejskaha naroda, ale i ŭsioj palityčnaj ukrainskaj nacyi, da jakoj adnosiacca, viadoma, i jaŭrei. My hanarymsia niepachisnaj stojkaściu našaha prezidenta, jaki abaraniaje demakratyčnyja kaštoŭnaści, svabody i miralubnyja pravy Ukrainy i našych hramadzian», — cytuje słovy kanfiederacyi «Ukrainskaja praŭda».
Taksama ŭ zajavie kanfiederacyi adznačajecca, što ŭ sučasnaj Ukrainie, tym bolš na dziaržaŭnym uzroŭni, niama nijakaha «nieanacyzmu», jak pra heta chłusić Pucin.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary