Dziarždep pra jadziernuju zbroju RF u Biełarusi: Łukašenka addaje Kramlu ŭsio bolš kantrolu
Dziarždepartamient ZŠA praciahvaje sačyć za situacyjaj ź pieramiaščeńniem rasijskaj taktyčnaj jadziernaj zbroi ŭ Biełaruś. Pra heta padčas bryfinhu zajaviŭ pres-sakratar Dziarždepa ZŠA Mećju Miler.
Jon adznačyŭ, što ciapier ZŠA nie bačać pryčyn dla karekciroŭki pazicyj ułasnych jadziernych sił, a taksama prykmiet taho, što Rasija rychtujecca ŭžyć jadziernuju zbroju, piša «Ukrainskaja praŭda».
U toj ža čas Miler padkreśliŭ, što damoŭlenaść ab raźmiaščeńni jadziernaj zbroi RF u Biełarusi śviedčyć ab tym, što Alaksandr Łukašenka addaje Kramlu ŭsio bolš kantrolu nad krainaj.
«Što tyčycca Biełarusi, to heta jašče adzin prykład taho, što Łukašenka robić biezadkazny i pravakacyjny vybar, pieradajučy Kramlu jašče bolšy kantrol nad Biełaruśsiu nasupierak voli biełaruskaha naroda. A dla Rasii heta jašče adzin biezadkazny krok», — adznačyŭ śpikier Dziarždepa.
14 červienia Łukašenka zajaviŭ, što kraina pačała atrymlivać rasijskuju taktyčnuju jadziernuju zbroju. Jon adznačyŭ, što heta było jaho patrabavańniem da RF.
Hniłoje, zatoje niadoraha. Jak papuliscki ŭkaz Łukašenki ab abmiežavańni nacenki ŭpłyvaje na ŭsich udzielnikaŭ łancužka pastavak harodniny4
Kamientary