Rovary, bucy i navat Stone Island. Što biełarusy šukali na «Kufry» viasnoj
Kolkaść zapytaŭ, jakija naviedvalniki pakinuli na «Kufry» za viasnovyja miesiacy, dasiahnuła 256 454 370 — heta praktyčna na 20 miljonaŭ bolš u paraŭnańni ź minułaj viasnoj.
IPhone niaźmienna trymaje 1 miesca ŭ rejtynhu papularnaści.
Rovar upeŭniena rvanuŭ uvierch z 20-ha radka zimovaha rejtynha na 2-i — biełarusy aktyŭna rychtavalisia da ciopłaha spartyŭnaha siezona. Niečakana ŭ topie na 25-m miescy akazalisia bucy — cikavaść da futboła ŭ karystalnikaŭ vidavočnaja. Zaviaršaje rejtynh viasny niezvyčajny zapyt pra Stone Island — italjanski brend premium-adzieńnia dla sportu.
Pa zapytach «Kufar-nieruchomaści» tolki ŭ Minskaj vobłaści najbolšaja cikavaść była da damoŭ, a ŭ astatnich piaci pa zapytach lidzirujuć kvatery. Heta adlustroŭvajecca i ŭ topie zapytaŭ: kvateru šukali 840 743 razy, a pa damach pakinuli 539 661 zapyt.
A voś jeździć hetaj viasnoj biełarusy płanujuć vyklučna na Audi — biezumoŭny lidar «Kufra-aŭto» va ŭsich abłaściach z 1 258 901 zapytam. Pieršynstvo Volkswagen vidavočna zastałosia ŭ minułym.
Siezonnaja cikavaść biełarusaŭ da tych ci inšych tavaraŭ vidać niaŭzbrojenym vokam. Tak, u sakaviku rovar byŭ tolki na 8-m radku rejtynha, u krasaviku jon raźmiaściŭsia ŭžo na 2-m. Taksama viasnoj mnohim chočacca abnaŭleńnia harderobu, tamu bolšaść zapytaŭ pryśviečana adzieńniu, abutku i aksiesuaram. Samyja papularnyja brendy — zamiežnyja Zara, Nike i Adidas.
Samymi papularnymi katehoryjami pa naviedvańniach stali «Kufar-aŭto», «Moda i styl» i «Kufar-nieruchomaść».
Cikavaść karystalnikaŭ vyrasła taksama da dziciačych tavaraŭ i da tavaraŭ dla chobi i sportu. Tradycyjna ŭ viasnovyja miesiacy pačynajecca padrychtoŭka da ramontaŭ u kvaterach i damach, što tłumačyć 6-y radok dla «Ramontu i budoŭli» i 8-y — dla «Mebli».
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary