«Nikoha z ruskich u abmien na ruskich my addavać nie hatovyja». Pryhožyn adkazaŭ lehijonu «Svaboda Rasii»
Siońnia lehijon «Svaboda Rasii» źviarnuŭsia da Jaŭhiena Pryhožyna z prapanovaju abmianiać uziataha ŭ pałon vahnieraŭcami kamandzira 72-j bryhady US RF padpałkoŭnika Ramana Vieniavicina na sałdat US RF, uziatych u pałon padčas bajoŭ u Biełharodskaj vobłaści. Pryhožyn adkazaŭ.
Pres-słužba Jaŭhiena Pryhožyna apublikavała jaho adkaz na zvarot lehijona «Svaboda Rasii» adnosna pieradačy im dla abmienu pałonnymi kamandzira 72-j bryhady VS RF padpałkoŭnika Ramana Vieniavicina.
«Padpałkoŭnik 72-j bryhady, jon nie ŭ pałon uziaty, — patłumačyŭ Pryhožyn. — Jon byŭ zatrymany i pieradadzieny dla praviadzieńnia śledčych dziejańniaŭ. Nu i naturalna, nikoha z ruskich u abmien na ruskich my addavać nie hatovyja».
Viečaram 4 červienia pres-słužba «Vahniera» vykłała videa z pałonnym rasijskim padpałkoŭnikam, u jakim toj pryznaje vinu za napad jaho sałdat na vahnieraŭcaŭ. Pavodle jaho słoŭ, jon byŭ u toj momant «u stanie ałkaholnaha apjanieńnia» i adčuvaŭ «asabistuju varožaść» da najmitaŭ.
«Ja, padpałkoŭnik Vieniavicin Raman Hienadźjevič, kamandzir 72-j bryhady, sa svaimi padnačalenymi ŭ stanie ałkaholnaha apjanieńnia i z-za asabistaj varožaści razzbroiŭ adnu z hrup PVK «Vahnier» i abstralaŭ ich mašynu. Ja vinavaty», — skazaŭ padpałkoŭnik Vieniavicin na videa.
Pryčynu svajoj varožaści da najmitaŭ jon u videa nie ahučyŭ, ale pry hetym pahadziŭsia z vahnieraŭcam za kadram, što «na vajnie asabistaj varožaści być nie pavinna».
Taksama ŭčora ŭ Biełharodskaj vobłaści Ruski dobraachvotnicki korpus prapanavaŭ hubiernataru Hładkovu addać pałonnych rasijan uźmien na razmovu. Hładkoŭ na abmien nie pryjšoŭ.
PVK «Vahnier» padčas uzbrojenaha sutyknieńnia z rasijskimi sałdatami zachapiła ŭ pałon padpałkoŭnika armii RF i prymusiła jaho vybačacca na videa
U Biełharodskaj vobłaści RDK uziaŭ u pałon rasijskich vajskoŭcaŭ i prapanuje hubiernataru pieramovy
Kiraŭniki lehijona «Svaboda Rasii» pakazali novych rasijskich pałonnych
Pratasieviču admianili hihancki štraf, i jon palacieŭ na adpačynak u Dubaj31
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2525
Kamientary