Lehijon «Svaboda Rasii» prapanavaŭ Pryhožynu abmianiać pałonnaha vahnieraŭcami padpałkoŭnika na pałonnych rasijan, uziatych dobraachvotnikami
Śpikier lehijona «Svaboda Rasii» z pazyŭnym «Cezar» źviarnuŭsia da Jaŭhiena Pryhožyna i ŭsurjoz prapanavaŭ abmianiać uziataha ŭ pałon vahnieraŭcami kamandzira 72-oj bryhady US RF padpałkoŭnika Ramana Vieniavicina na sałdat US RF, uziatych u pałon padčas bajoŭ u Biełharodskaj vobłaści.
«My źviartajemsia da vas, tak jak usia praŭładnaja elita ŭ asobie kavalera ordena Mužnaści Hładkova bajaźliva adsiedziełasia, pakinuŭšy svaich ludziej u pałonie, pakul ich ža vojski nakryvali artyleryjaj mirnyja harady», — havoryć «Cezar».
Jon prapanavaŭ «u jakaści žesta dobraj voli» abmianiać rasijskaha padpałkoŭnika Vieniavicina na niekalki bajcoŭ US RF, uziatych rasijskimi dobraachvotnikami ŭ pałon padčas bajoŭ u Biełharodskaj vobłaści.
«Havorka idzie pra sumlenny abmien biez dadatkovych umoŭ. Detali abmienu ŭzhodnim dadatkova», — havoryć na videa «Cezar».
Viečaram 4 červienia pres-słužba Pryhožyna vykłała videa z pałonnym rasijskim padpałkoŭnikam, u jakim toj pryznaje vinu za napad jaho sałdat na vahnieraŭcaŭ. Pavodle jaho słoŭ, jon byŭ u toj momant «u stanie ałkaholnaha apjanieńnia» i adčuvaŭ «asabistuju varožaść» da najmitaŭ.
«Ja, padpałkoŭnik Vieniavicin Raman Hienadźjevič, kamandzir 72-oj bryhady, sa svaimi padnačalenymi ŭ stanie ałkaholnaha apjanieńnia i z-za asabistaj varožaści razzbroiŭ adnu z hrup PVK «Vahnier» i abstralaŭ ich mašynu. Ja vinavaty», — skazaŭ padpałkoŭnik Vieniavicin na videa.
Pryčynu svajoj varožaści da najmitaŭ jon u videa nie ahučyŭ, ale pry hetym pahadziŭsia z vahnieraŭcam za kadram, što «na vajnie asabistaj varožaści być nie pavinna».
Taksama ŭčora ŭ Biełharodskaj vobłaści RDK prapanavaŭ hubiernataru Hładkovu addać pałonnych rasijan uźmien na razmovu. Hładkoŭ na abmien nie pryjšoŭ.
PVK «Vahnier» padčas uzbrojenaha sutyknieńnia z rasijskimi sałdatami zachapiła ŭ pałon padpałkoŭnika armii RF i prymusiła jaho vybačacca na videa
U Biełharodskaj vobłaści RDK uziaŭ u pałon rasijskich vajskoŭcaŭ i prapanuje hubiernataru pieramovy
Kiraŭniki lehijona «Svaboda Rasii» pakazali novych rasijskich pałonnych
Pamierłaha 52-hadovaha aŭtaślesara ź Viciebska hod tamu strašna źbili milicyjanty9
Kamientary