U śpis historyka-kulturnych kaštoŭnaściaŭ uklučać kulturu biełaruskaj dudy
22 maja na pasiadžeńni Biełaruskaj respublikanskaj navukova-mietadyčnaj rady pa pytańniach historyka-kulturnaj spadčyny była padtrymanaja prapanova ab nadańni statusu historyka-kulturnaj kaštoŭnaści takomu elemientu, jak «Kultura biełaruskaj dudy». Adpaviednaja pastanova Ministerstva kultury budzie pryniataja ŭ chutkim časie, paviedamiła pres-słužba ŭstanovy.
Duda — tradycyjny muzyčny narodny instrumient, jaki naležyć da typu jazyčkovych duchavych instrumientaŭ. Jana vykarystoŭvałasia dla supravadžeńnia tancaŭ, piesień i prypievak, na siamiejnych i kalandarnych abradavych śviatach, ihryščach i kirmašach.
U raniejšyja časy była vielmi papularnaja ŭ Biełarusi, była arhanična źviazanaja z tancami ŭ abradavych hulniach i zabavach, a taksama śviatach i kirmašach. Dudary i dudarstva šyroka pradstaŭlenyja ŭ biełaruskich litaraturnych i mastackich tvorach.
Biełaruskaj dudoj, jak padkreślivajecca ŭ paviedamleńni Minkultury, varta nazyvać kankretny vid adnahukavaj dudy — duchavy narodny muzyčny instrumient, jaki składajecca sa skuranoha miechu, adnaho huku (burdonu), adnoj žalejki (pierabor), soski, a taksama na kožnaj ź ihravych trubak ustalavanyja rahaŭni-rastruby.
«Tolki ŭ Kryčavie majstry lapili kańka biez nožak i padobnaha da šachmatnaj fihurki». Kryčaŭskuju śviściołku ŭnieśli ŭ śpis historyka-kulturnych kaštoŭnaściaŭ
«Tut adčuvajecca, što stary śviet jašče troški zachavaŭsia. I zvyčaj sapraŭdy žyvy». Historyk naviedaŭ «Koniki» ŭ Davyd-Haradku
Cimafiej Akudovič: Sapraŭdnyja niemateryjalnyja kaštoŭnaści nie žyvuć u Damach kultury
Kamientary