U Radzie nacyjanalnaj biaśpieki i abarony Ukrainy zajavili, što prezident Uładzimir Zialenski voźmie ŭdzieł u sustrečy lidaraŭ G7 u anłajn-režymie. Raniej sakratar RNBA Alaksiej Daniłaŭ namiakaŭ, što Zialenski budzie ŭ Japonii asabista.
![](http://d3kcf2pe5t7rrb.cloudfront.net/img/w840d4webp1/photos/z_2023_05/g7_230519-aldi8.jpg.webp)
Pres-słužba RNBA paviedamiła, što prezident Ukrainy voźmie ŭdzieł u sustrečy lidaraŭ G7 u Japonii ŭ anłajn-režymie, piša «Ukrainskaja praŭda».
«Chto b sumniavaŭsia, što naš prezident tam (na samicie G7) nie budzie prysutničać. My ŭpeŭnienyja, što naš prezident budzie znachodzicca tam, dzie treba, u lubym punkcie śvietu, kab vyrašać pytańni ŭstojlivaści našaj krainy.
Tam buduć prymacca vielmi važnyja rašeńni, tamu mienavita fizičnaja prysutnaść našaha prezidenta absalutna važnaja dla taho, kab adstojvać mienavita našy intaresy — ahučvać vyraznyja prapanovy i vyraznuju arhumientacyju pa tych padziejach, što adbyvajucca na terytoryi našaj krainy», — kazaŭ raniej Alaksiej Daniłaŭ.
Kamientary