Kali ŭ naźvie stravy jość słova «lanivy», ciažkaściaŭ z hatavańniem nie budzie.
Lanivyja vareniki — papularnaja strava słavianskaj kuchni, asabliva ŭkrainskaj, dzie naohuł kultyvujucca vareniki i hałuški. U Polšy heta «lanivyja piarohi», jakija mohuć hatavać jak z tvarahu, tak i z bulby.
Pieravaha lanivych varenikaŭ u paraŭnańni z syrnikami i tvarožnymi zapiakankami — pry ich hatavańni tvaroh nie smažycca, a varycca, a tamu ježa atrymlivajecca bolš dyjetyčnaj.
Vam spatrebicca:
- 300 h tłustaha tvarahu,
- 1 jajka,
- sol,
- cukar (kali chočacie, kab vareniki atrymalisia sałodkimi),
- 1 stałovaja łyžka kruchmału ci bulbianoj muki,
- kala 1/2 šklanki pšaničnaj muki.
Jak hatavać:
- Pakładzicie tvaroh u misku ź jajkam i drobkaj soli (i cukram, kali dadajacie) i staranna razamnicie jaho, kab nie było kamiakoŭ. Taksama možna prakrucić tvaroh (bieź jajka) na miasarubcy. Dla lanivych varenikaŭ časam vykarystoŭvajuć śmietankovy syr typu rykoty — jaho zdrabniać nie treba, možna adrazu źmiešvać ź jajkam.
- Pasypcie došku pšaničnaj mukoj (prykładna 1-2 stałovyja łyžki), vykładzicie na jaje tvaroh ź jajkam, źvierchu prasiejcie bulbianuju muku i astatniuju pšaničnuju.
- Źmiašajcie inhredyjenty ŭ šar. Padzialicie jaho na dźvie častki i zrabicie z kožnaj rulet, pry nieabchodnaści padpylicie mukoj. Potym razrežcie kožny rulet naŭskos na kavałački.
- Zakipiacicie padsolenuju vadu ŭ vialikim rondali, dadajcie budučyja vareniki i varycie niekalki siekund paśla taho, jak jany ŭspłyvuć na pavierchniu.
- Dastavajcie z vady šumoŭkaj.
Čym raznastaić?
Sałodkija vareniki padajuć z vareńniem, jahadami i śmiatanaj, salonyja — z padsmažanaj cybulaj i miasam.
Niejtralny varyjant — z panirovačnymi sucharami. Dla hetaha treba nasypać na patelniu niekalki stałovych łyžak panirovačnych sucharoŭ i, pamiešvajučy, źlohku padsmažyć. Potym dadać krychu masła i rastapić jaho, uvieś čas pamiešvajučy. Krychu absmažcie i zdymajcie z ahniu.
Čytajcie jašče:
Recept varenikaŭ, niezvyčajnych za košt svajho ciesta
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary
aha. kaniečnie-jaječnie...
a heta voś usio što - nie ciažka? jano što - samo ŭsio robicca?