USU nie tolki abaraniajucca, ale i ažyćciaŭlajuć kontrnastupalnyja dziejańni ŭ rajonie Bachmuta, zajaviŭ kamandujučy Suchaputnymi vojskami USU Alaksandr Syrski.
Jon naviedaŭ bachmucki kirunak, kab padziakavać sałdatam za pracu na froncie. Syrski adznačyŭ, što jašče niadaŭna rasijanie ličyli Bachmut svaim, rychtavalisia pastavić tam ściah, ciapier jany razhublenyja — nie viedajuć, dzie nastup, dzie hałoŭny kontrnastup. Pavodle Syrskaha, try dni tamu ŭkraincy pačali na bachmuckim kirunku kontrnastupalnyja dziejańni.
«Vykarystoŭvajučy pryncyp aktyŭnaj abarony, my źviartajemsia da kontrnastupalnych dziejańniaŭ pa niekatorych napramkach pad Bachmutam. U voraha bolš resursaŭ, ale my razburajem jaho płany. Razam z kamandzirami častak i padraździaleńniaŭ abmierkavali i pryniali nieabchodnyja rašeńni dla praciahu abaronnaj apieracyi. Praličyli ŭsie mahčymyja scenaryi raźvićcia padziej», — praciahnuŭ Syrski.
Jon nazvaŭ vahnieraŭcaŭ pacukami, jakija trapili ŭ pastku.
«Niahledziačy na toje, što «Vahnier» zalez u Bachmut, jak pacuki ŭ pastku, my z vami z poŭdnia i poŭnačy praciahvajem nastupalnyja dziejańni. Vy razam ź inšymi bryhadami ruchajeciesia napierad, vy zdabyvajecie pieramohu, nabližajecie čas našaj ahulnaj pieramohi, i vy dajacie mahčymaść adbivacca tym vajennym častkam, jakija buduć prymać udzieł u nastupalnaj apieracyi», — skazaŭ jon na sustrečy z vajskoŭcami.
Pryhožyn: Kontrnastup ukraincaŭ užo idzie poŭnym chodam
Zialenski: Z nastupam nam treba pačakać
PVK «Vahnier» utrymlivaje 85% Bachmuta i sychodzić pakul nie źbirajecca — ŚMI
Pryhožyn dvuchsensoŭna vykazaŭsia pra «ščaślivaha dzieda», jaki moža akazacca «skončanym mudakom». Žurnalisty vyśvietlili, jak u Kramli pastavilisia da zajavy
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?4
Kamientary