Pieršamu pacyjentu ŭ śviecie ŭžyvili całkam miechaničnaje serca
Jano vyrablena z tytanu i dazvalaje čałavieku paŭnavartasna zajmacca sportam.
Navukoŭcy z Techaskaha instytuta serca (THI) sumiesna z amierykanskaj bijatech-kampanijaj BiVACOR praviali pieršuju ŭ historyi apieracyju pa pierasadcy pacyjentu całkam miechaničnaha serca. Pra heta napisana na aficyjnym sajcie samoha instytuta.
«Pryłada ŭjaŭlaje saboj tytanavuju rotarnuju pompu z mahnitnaj levitacyjaj, jakaja pierapampoŭvaje kroŭ i zamianiaje abodva žałudački sapraŭdnaha serca. Pryłada važyć mała, amal nie znošvajecca i dazvalaje pacyjentu zajmacca sportam», — adznačajuć navukoŭcy z Techaskaha instytuta serca (THI).
Pa słovach daśledčykaŭ, novaje miechaničnaje serca źjaŭlajecca tolki časovaj mieraj dla pacyjentaŭ z terminalnaj stadyjaj sardečnaj niedastatkovaści, jakim treba bolš času na pošuk prydatnaha donarskaha serca.
U šmatlikich pacyjentaŭ niama času na čakańnie novaha serca, što moža kaštavać im žyćcia, tamu i byŭ prydumany prajekt štučnaha serca, padahulnili navukoŭcy.
Kamientary