Hramadstva77

Zielankoŭskaja znajšła tonkija słovy dla charaktarystyki Hienadzia Davydźki 

Viadomaja aktrysa i eks-zorka Kupałaŭskaha teatra Śviatłana Zielankoŭskaja dała intervju prajektu «Tok». U vialikaj hutarcy jana zhadała ŭ tym liku pra zdymki ŭ filmie «Anastasija Słuckaja».

Śviatłana Zielankoŭskaja Śviatłana Zielenkovskaja
Śviatłana Zielankoŭskaja. Skrynšot videa

Kab atrymać rolu, daviałosia terminova vučycca jeździć na kani

Śviatłana Zielankoŭskaja zhadvaje, što adbor na zdymki ŭ filmie (jon vyjšaŭ u 2003 hodzie) byŭ vielmi cikavy: «Na hetuju rolu ŭžo była znojdziena kandydatka — rasijskaja aktrysa Alesia Sudziłoŭskaja. Ale heta była tajamnica, i treba było zrabić dla narodu proby dla biełaruskich aktrys, kab paśla skazać, što nie atrymałasia znajści biełaruskuju. Heta było arhanizavana dla ptušački».

Ale tak zdaryłasia, što rasijskaja aktrysa admoviłasia. U takoj situacyi byli pierahledžany ŭsie proby, jakija byli. I Zielankoŭskuju paklikali na paŭtornyja proby. Kab atrymać rolu, joj daviałosia terminova vučycca jeździć na kani:

«U mianie było try dni. Ja ŭsie dni nie złaziła z kania. Mnie było vielmi ciažka, tamu što ŭsio baleła. Baleli navat tyja ciahlicy, pra jakija ja nie viedała, što jany isnujuć.

Paśla vyležvałasia ŭ vańnie. Piła piva. Mnie kazali, što heta dapamahaje, kab nie baleła cieła. A paśla treba było praskakać na kani, saskočyć ź jaho i pračytać davoli mocny manałoh. Usio atrymałasia. Ja była navat u kalčuzie. Jana była sapraŭdnaja i važyła kala dziesiaci kiłahramaŭ. I treba było jašče trymać mieč».

Śviatłana zhadvaje, što taja papularnaść, jakuju jana zdabyła paśla vychadu filma, adbiłasia na jaje tvorčym žyćci. Jana šmat pracavała ŭ teatry, u aktrysy było šmat hastrolaŭ, fiestyvalaŭ i tvorčych sustreč.

«Ja była ŭ hetym viry. Nie skažu, što mocna adčuvała papularnaść. Ale, zrazumieła, było pryjemna», — zhadvaje Zielankoŭskaja.

Pa słovach Śviatłany, vielmi drenna, što biełaruskamoŭnaja viersija była zroblena tolki paśla premjery. Premjera i pakazy byli na ruskaj movie. I dla školnikaŭ, i dla prostych hledačoŭ.

Jak na zdymkach rychtavalisia da vizitu Łukašenki

Aktrysa padzialiłasia ŭspaminami pra padrychtoŭku da vizitu Łukašenki na zdymki.

«My rabili vyhlad, što heta zdymki. Plonki ŭ kamiery nie było. I pa siužecie ja pavinna była na kani z bukietam kvietak padjechać da jaho, saskočyć z kania i ŭručyć. Ja admoviłasia».

Śviatłana zhadvaje, što heta było vielmi ciažka zrabić, jaje ŭhavorvali. Pryjechali navat ministr kultury i jaho namieśnik. «I jany prosta stajali nada mnoju, kali ja rychtavałasia i mnie rabili makijaž. Jany havaryli: «Što ty sabie tut dazvalaješ? Jak ty tut siabie pavodziš? Ty pavinna. My tabie nie prabačym». Usio ž niejak vykrucilisia. Tady bukiet padaryła dyrektar karciny. Jana mianie vyratavała».

Pra toje, što było potym

Paźniej Zielankoŭskuju prymusili siadzieć pobač z Łukašenkam na śviatkavańni Dnia niezaležnaści, u dzień, kali była premjera filma. 

Jana nie stała raspaviadać pra toje, što adbyvałasia padčas hetaha mierapryjemstva. Ale zhadvaje pra nastupstvy:

«Paśla ja dała intervju «Narodnaj voli». U im išła havorka pra biełaruskuju movu. Ja skazała pra toje, što zakryvajucca biełaruskamoŭnyja škoły. Heta hańba dla krainy. 

Paśla pad vidam tvorčaj sustrečy mianie vyklikali ŭ parłamient. Tam u takim ciesnym pakojčyku mnie skazali ŭsio, što ja pavinna rabić, kudy ja pavinna davać intervju, kudy nie. Što ja pavinna havaryć. Što ja abraziła prezidenta, jaho vielmi rasčaravała. I jon na mianie vielmi złosny».

Zielankoŭskaja nazyvaje i taho, chto ź joju vioŭ razmovu. Heta byli Uładzimir Kanaploŭ (były deputat, jaki ŭ 2004 hodzie staŭ staršynioj Pałaty pradstaŭnikoŭ, z 2006 hoda ŭznačalvaje Biełaruskuju fiederacyju handboła) i Urał Łatypaŭ (u 2001-2004 hadach uznačalvaŭ Administracyju Łukašenki).

Aktrysa zhadvaje, što paśla hetaha jana nie spyniła davać intervju i trapiła ŭ niamiłaść. Jaje nie dapuskali na kinafiestyval «Listapad», nie davali pracavać na telebačańni, istotna źmienšyłasia zahruzka ŭ teatry, nie było zaprašeńniaŭ u kino. Usio narmalizavałasia prykładna ŭ 2007-2008 hadach.

Pra kinastudyju «Biełaruśfilm»

Zielankoŭskaja ličyć, što film «Anastasija Słuckaja» moža być stanoŭča acenieny za toje, što jon źviartajecca da historyi Biełarusi. Pry hetym jana adznačaje «kazačnaść» filma:

«Ja dobra staŭlusia da taho, što jość hety film. Ale chaciełasia b bolš šyrokaha śpiektru našych histaryčnych filmaŭ. Kab u nas było bolš roznych histaryčnych karcin. Roznych pa svajoj jakaści. Bo hety dastatkova prosty».

Pa słovach aktrysy, dla jaje asabista hety film vielmi važny, bo jon prynios słavu i papularnaść.

Aktrysa nazyvaje sumu hanararu za zdymki — prykładna 11 tysiač dalaraŭ. Hetyja hrošy jana ŭkłała ŭ kvateru.

Kali analizavać dziejnaść kinastudyi «Biełaruśfilm», to, na pohlad Zielankoŭskaj, jak raniej, tak i ciapier, na kinastudyi vypuskajecca mała filmaŭ.

«Kinastudyi nie chapaje kolkaści. Kab možna było vybrać, pryciahnuć roznaha hledača. Nie chapaje fiestyvalnaha kino. U kino treba bolš srodkaŭ układać dziaržavie. Rabić bolš jakasnyja filmy. Moža, zaprašać niejkich režysioraŭ. Chacia i svaje dobryja maładyja režysiory jość».

Jana zaŭvažaje, što mała sočyć za tym, što ciapier adbyvajecca na kinastudyi.

Davydźka — talenavity akcior, a Tarzan — ścipły

U filmie razam sa Śviatłanaj Zielankoŭskaj zdymaŭsia Hienadź Davydźka. Aktrysa zhadvaje jaho jak talenavitaha akciora i čałavieka, jaki moh pryjści na dapamohu, staraŭsia rabić usio dla Kupałaŭskaha teatra, u jakim byŭ hienieralnym dyrektaram.

«Na toj čas jon byŭ dyrektaram teatra i dobra staviŭsia da taho, što ŭ im adbyvajecca. Staraŭsia ŭsio rabić dla teatra i dla akcioraŭ. I zarobki byli narmalnyja. Na toj čas heta dobry, kłasny mužyk byŭ. A zaraz ja ŭžo nie viedaju, što źmianiłasia, što stałasia ź im. Takim, jaki jon zaraz, ja jaho nie viedaju. Jak akcior jon talenavity. I heta zaraz taksama vidavočna. Dobra ihraje svaju rolu», — iranizuje Zielankoŭskaja.

Inšaha sielebryci — Tarzana, jaki taksama zdymaŭsia ŭ filmie — Śviatłana charaktaryzuje jak ścipłaha čałavieka:

«Jon nie pavodziŭ siabie jak zorka. Mnie heta vielmi spadabałasia. Jon bolšuju častku času pravodziŭ u stajni ź dziaŭčatami. My sustrakalisia tolki na zdymkach».

Hladzicie całkam:

Kamientary7

  • oleśnikova
    26.04.2023
    dieržit ruki v formie 💙 na urovnie svojej etoj samoj połuśfiery nashaniva.com/314594
  • Josik
    26.04.2023
    A što ŭ hetym filmie kłasnaha? Źniali niejkuju haŭniašku, i ŭsio nie možacie supakoicca.
  • natašia
    26.04.2023
    a dyńko ž sustrakaŭsia ź im? nie?
    i ničoha... zdajecca žyvy

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku127

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →