Klimatyčnyja aktyvisty ŭ Bierlinie zabłakavali darohu, pa jakoj jechała chutkaja. A paśla hetaha abvinavacili ŭłady ŭ pravakacyi
Napiaredadni, 24 krasavika, klimatyčnyja aktyvisty ruchu «Apošniaje pakaleńnie» praviali čarhovuju akcyju ŭ niamieckaj stalicy: pratestoŭcy prykleili siabie da darožnaha pałatna adrazu ŭ 30 roznych miescach, piša Bild.
Paśla hetaha ŭ Bierlinie paŭstali surjoznyja zatory: na adnu z fatahrafij trapiła mašyna chutkaj dapamohi, jakaja nie mahła prajechać praz zator na darozie.
Pa słovach vidavočcaŭ, kiroŭca chutkaj dapamohi sprabavaŭ abjechać zator i sihnaliŭ klimatyčnym aktyvistam, kab tyja syšli z darohi, adnak jaho praihnaravali. Paśla pradstaŭniki «Apošniaha pakaleńnia» zajavili, što, nasamreč, chutkaja dapamoha nibyta nie jechała na vyklik, a śpiecyjalna dziažuryła tam napiaredadni ich akcyi.
Ułady Bierlina abvierhli hetaje śćviardžeńnie: pa danych čynoŭnikaŭ, mašyna chutkaj dapamohi jechała na terminovy vyklik u hustanasieleny rajon horada Šeniebierh. U vyniku, kali miedyki apynulisia ŭ zatory, vyklik pieradali inšaj mašynie.
Ahułam, pavodle źviestak uładaŭ, za ŭvieś čas pratesty klimatyčnych aktyvistaŭ stvaryli prablemy jak minimum dla 15-ci mašyn chutkaj dapamohi.
Kamientary