«Taki dachod, viadoma, prosta dach znosić». Ajcišnik atrymlivaje ŭ Polščy štomiesiac 18 tysiač dalaraŭ i raskazvaje, jak hetulki zarablać dy kudy tracić
David žyvie ŭ Varšavie z žonkaj amal 2 hady. Jahony ŭzrost — 32 hady, dośvied u IT — krychu bolš za 10 hadoŭ. Mužčyna zarablaje kala 18 tysiač dalaraŭ u miesiac, časta pracujučy z adpačynku i na dźviuch pracach, ale na žyćcio nie skardzicca: dla jaho IT — paklikańnie, a nie srodak dla zarablańnia hrošaj, piša Devby.
«Tak, jak ja harbieŭ u Biełarusi, ja bolš nidzie nie harbieŭ!»
«Ja frantend-raspracoŭščyk (Angular, Vue). Pačynaŭ z raspracoŭki sajtaŭ fryłansieram, pieršaja aficyjnaja praca była «na halerach» u EPAM za 250 dalaraŭ u miesiac. Ciapier pracuju praz inkubatar na dźvie mižnarodnyja kampanii.
Dva hady tamu ja vyrašyŭ vyjechać ź Biełarusi. Pracadaŭca byŭ nie suprać majho adjezdu i prapanavaŭ zaklučyć damovu B2B, ale ŭsia lehalizacyja — na mnie. Moj zarobak na toj momant byŭ kala 3,5 tysiačy dalaraŭ.
Karaciej, staŭ adhukacca na inšyja vakansii i chutka atrymaŭ paru ofieraŭ. Maksimum mnie prapanavali 5,8 tysiačy, ale ja vybraŭ pazicyju z krychu mienšym zarobkam i bolš cikavaj pracaj. Byŭ na siomym niebie ad ščaścia, bo navat nie maryŭ pra takoje. A praz paŭhoda pačaŭ znoŭ pacichu chadzić pa sumoŭjach, kab trymać siabie ŭ tonusie.
I ofiery nie prymusili siabie doŭha čakać. Abraŭ mižnarodnuju praduktovuju kampaniju z zarobkam kala 10 tysiač dalaraŭ. Praca kamfortnaja, całkam addalenaja, i nichto ź bizunom nad taboj nie staić. U pryncypie, aktyŭnaj pracy tam na try hadziny ŭ dzień, tak što praz hod ja znajšoŭ druhuju pracu — čarhovy startap z takim ža zarobkam.
Dachod, viadoma, prosta dach znosić, ale tut užo ŭdvaja bolš pracy i stresu, tak što nie dumaju, što doŭha na joj zatrymajusia.
Takim čynam, moj zarobak na kožnaj z prac stabilna ŭ rajonie 10 tysiač bruta abo 9 tysiač nieta, razam — 20 i 18 tysiač adpaviedna. Padatkaŭ vychodzić kala 10% z ulikam usich dadatkovych płaciažoŭ, ale z takim dachodam jon chutka vyraście, tamu padumvaju pra B2B Ryczałt z 12%.
Sa statyčnych vydatkaŭ: arenda kvatery — 1000 dalaraŭ, kaviarni — kala 300, miedycyna — 100, a taksama padarožžy (pra ich paźniej). Nievialikuju častku (200—300 dalaraŭ) układaju ŭ kryptu abo akcyi bujnych kampanij nakštałt Coca Cola, Booking i Starbucks. Jany taksama prynosiać dachod, ale sumy nievialikija.
Akramia taho, starajusia danacić jak maha čaściej, ciapier sprabuju vypracavać zvyčku i danacić kudyści absalutna kožny dzień. Dla mianie heta važna.
Astatnija vydatki navat prykładna nie liču, ale źnižkami i kuponami karystajusia pastajanna: navošta płacić bolš, kali možna zapłacić mienš?
Patracić zarobak całkam davoli składana bieź niejkich adnarazovych bujnych pakupak abo maštabnych padarožžaŭ, tak što reštu ja adkładaju na rachunku ŭ banku ŭ dalarach i jeŭra — chaču ŭ najbližejšy čas nabyć kvateru. Ale pakul na maich rachunkach mienš za 50 tysiač, nie tak i šmat.
Zaŭvažyŭ paciešnaje: u ajcišnikaŭ z vysokim dachodam zvyčajna bolš volnaha času. Čym bolš zamožny pracadaŭca, tym bolš spakojnaja atmaśfiera na pracy, niama aviertajmaŭ i žorstkich dedłajnaŭ.
Tak, jak ja harbieŭ u Biełarusi, ja bolš nidzie nie harbieŭ! A ciapier volnaha času tak šmat, što chapiła navat na druhuju pracu.
«Praciahłaja pajezdka ŭ ZŠA całkam moža «zžerci» tysiač ź dziesiać»
Ja starajusia šmat padarožničać, tamu bolšaja častka zarobku sychodzić na pajezdki. Lotaju minimum raz na miesiac pa Jeŭropie z žonkaj, pracuju adtul. Adpačynak biaru tolki tady, kali treba kardynalna źmianić časavy pojas abo pry padarožžy na mašynie za rulom. Ale tut varta skazać, što heta nie vymušanaje, a ŭśviadomlenaje rašeńnie, kab patracić paŭnavartasny adpačynak bolš jakasna.
Pracavać u adpačynku mianie nie napružvaje: ja lublu svaju pracu, zajmajusia hetym ź dziacinstva pa ŭłasnym žadańni, a kali pracy niama, ja sam dla siabie jaje prydumlaju — pišu niejki dadatak abo hulniu.
Niadaŭna adkryŭ dla siabie krainy, kudy nie lotajuć łaŭkostary. Naprykład, Słavienija — pryhožaja i pry hetym niedarahaja kraina, na adlehłaści za 150 km alpijskija zaśniežanyja hory i adryjatyčnaje ŭźbiarežža z kiparysami i starymi haradami. Vydatnyja darohi, tannaja arenda aŭto, dobry servis.
Nu, i z rostam dachodu rastuć vydatki, bo pryzvyčajvaješsia da peŭnaha ŭzroŭniu kamfortu. Paśla pieralotu premium-ekanomam u ZŠA lacieć na dalokija adlehłaści zvyčajnym ekanomam ja ŭžo nie zmahu. Dy i ŭ cełym radziej staŭ lotać łaŭkostarami — u taho ž Lot bolš zručny čas vyletu i narmalnaja cana, kali zakuplacca pa sieradach, kali tam źnižki.
Ja bolš nie načuju ŭ chostełach, addajučy pieravahu sietkavym hatelam siarednie-biudžetnaha siehmientu, nakštałt Ibis abo Ibis Style.
Tak što praciahłaja pajezdka ŭ ZŠA całkam moža «zžerci» tysiač ź dziesiać: hatel na dva tydni ŭ Ńju-Jorku budzie kaštavać 4 tysiačy, plus pieralot, zabavy. Možna jašče i technikaj zakupicca.
Zaŭvažyŭ, što dalej peŭnaha ŭzroŭniu rost dachodaŭ užo nie tak adčuvajecca. Naprykład, u kaviarni ja chadziŭ jašče budučy midłam z 2 tysiačami, padarožničać pačaŭ jašče raniej. Prosta bolš pačynaješ šanavać svoj čas i kamfort.
«Vakansii na polskaj ci ruskaj možna adrazu prapuskać»
Kab ajcišniku zarablać 10 tysiač dalaraŭ i bolš, treba nie tolki šancavańnie, ale i padrychtavanaja hleba. Mahčyma, maje parady kamuści dapamohuć padrychtavać hetuju hlebu:
- Stvarycie vydatnaje reziume i zaviadzicie aktyŭnuju staronku ŭ LinkedIn, jakaja rehularna abnaŭlajecca. I tak, pamianiajcie ŭžo krainu ŭ LinkedIn na Polšču.
- Nie saromiejciesia prasić pavyšeńnia. Upeŭnieny, u ramkach adnoj kampanii mohuć być dva adnolkavyja raspracoŭščyki, jakija zarablajuć pa-roznamu, što ŭžo kazać pra roznyja kampanii. Na sumoŭjach treba maksimalna padrabiazna raskazvać pra siabie i pra toje, što vy ŭmiejecie i viedajecie. Nu i stavić adrazu ceńnik vyšej.
- Vakansii z apisańniem na polskaj abo ruskaj možna adrazu prapuskać — tam takich zarobkaŭ niama. Ruskuju movu pry pošuku pracy zabudźciesia.
- U maim vypadku asnoŭnuju rolu adyhraŭ handal pracadaŭcaŭ pamiž saboj. Tamu, kali pryjšło dva ofiery i ŭ druhoha prapanova cikaviejšaja, nie saromiejciesia napisać pra heta pieršamu (raptam zachoča pierabić), a potym viarniciesia da druhoha i hetak dalej.
- Nie bojciesia bracca za sumiežnyja haliny: estymacyi, płanavańnie, mieniedžmient.
- Mianiajcie pracu choć by raz na dva hady. Čym čaściej vy mianiajecie pracadaŭcu, tym vyšejšy zarobak. Navat kali vas usio zadavalniaje, adkazvajcie rekrucioru, chadzicie na hutarki, ale nazyvajcie takuju sumu, dziela jakoj vy b adrazu zvolnilisia. Praz paru dziasiatkaŭ hutarak takaja prapanova znojdziecca.
- Dla tych, chto nie vieryć u isnavańnie takich zarobkaŭ: ciapier mianie ŭsio zadavalniaje, ale ŭsim rekrucioram, jakija da mianie stukajucca, ja pišu, što razhladaju pazicyi tolki ad 12 tysiač dalaraŭ u miesiac. Z taho momantu, jak ja pačaŭ tak adkazvać, mnie pad sotniu čałaviek napisała, što heta pa-za ich viłkaj. Ale na minułym tydni pryjšoŭ stanoŭčy adkaz. Tak što ŭsio mahčyma!»
Chikikamory mimavoli. Ajcišnik pakinuŭ siamju ŭ Biełarusi i žyvie ŭ hruzinskaj vioscy
«Važyŭ 86 kh, ciapier — 68». Džun pra ciažki pierajezd u Polšču
«Miascovyja jašče nie da kanca razumiejuć, chto takija ajcišniki». Biełarus raspavioŭ pra rełakiejt u Čarnahoryju
«Usio abšarpanaje, nie afarbavana, nie abtynkavana». Ajcišnik źjechaŭ u Tbilisi, ale jamu nie spadabałasia, jon viarnuŭsia ŭ Minsk
«Prapanoŭvali 3900 dalaraŭ, ja admoviŭsia». Biełaruski ajcišnik raskazaŭ, jak nie vytrymaŭ žyćcia ŭ Polščy
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary
muśsirujemyj "triend" hosudarstviennoj propahandy. Po statistikie samyje
vysokije dochody u bankirov i stroitielej, ajtišniki idut potom. No nikto
nikohda nie pišiet, skolko zarabatyvajut i kak živut bankiry ili
stroitieli, ili druhije niebiednyje ludi. Dla hospropahandy i vłasti
ajtišniki płochije nie potomu čto bahatyja, a potomu čto "śliškom umnyje" -
eto ludi umstvienno truda, t.ie. intiellihiencija, kotoruju jeŝie s sovietskich
vriemien travili. Takaja vot životnaja nienavisť k "všivoj intiellihiencii"
ili, kak hovorit odin iźviestnyj čiełoviek, jajciehołovym. Stranno, čto NN
poddierživajet etot "triend".