Namieśnik staršyni Rady biaśpieki Rasii, eks-prezident Rasii Dźmitryj Miadźviedzieŭ zajaviŭ, što Ukraina «nie patrebnaja» Rasii, Jeŭropie, ZŠA, Azii, Afrycy i Łacinskaj Amierycy, a taksama ŭłasnym hramadzianam, a tamu jana «źniknie». Pra heta jon napisaŭ va ŭkantakcie.
Palityk vykazaŭ mierkavańnie, što ŭ isnavańni susiedniaj dziaržavy nie zacikaŭlenyja na ŭsich kantynientach, a staŭleńnie nasielnictva Ukrainy vyjaŭlajecca ŭ tym, što «z 45 miljonaŭ tam zastałosia krychu bolš za 20». Były prezident miarkuje, što Ukrainaj u 1991 hodzie «nazvali kavałački Rasii», na jakich žyvuć «miljony našych suajčyńnikaŭ», u suviazi z čym «nam patrebna vialikaja Rasija».
«Takaja Ukraina nie patrebnaja nikomu na płaniecie. Mienavita tamu jaje nie budzie», — reziumavaŭ Miadźviedzieŭ.
Pry hetym u 2010 hodzie Miadźviedzieŭ kazaŭ, što Rasija i Ukraina — vielmi blizkija krainy, uzrovień stasunkaŭ jakich varta pieravieści ŭ partniorskija, a taksama zaklikaŭ «reanimavać» supracoŭnictva Maskvy i Kijeva.
«Kab nanieści maksimalnuju škodu». Dźmitryj Miadźviedzieŭ zaklikaŭ rasijan kraści zachodni kantent
Miadźviedzieŭ hatovy dajści da miežaŭ Polščy, kab «źniščyć nieanacyzm daščentu»
Ekśpiert patłumačyŭ mety radykalnych vykazvańniaŭ Dźmitryja Miadźviedzieva
Aleksijevič ŭ TOKu: Kali vy admoviciesia čytać Čechava i Dastajeŭskaha, to ŭpadziecie ŭ pravincyjnaść47
Kamientary