«Rasatam» spadziajecca pačać pabudovu daśledčaha jadziernaha reaktara ŭ Biełarusi da kanca hoda
Dyrektar ofisa rasijskaj dziaržkarparacyi «Rasatam» u Biełarusi Stanisłaŭ Lavicki zajaviŭ, što ŭ «Rasatamie» spadziajucca pačać budaŭnictva daśledčaha jadziernaha reaktara ŭ Biełarusi da kanca hoda, paviedamiła BiełTA.
Reaktar moža źjavicca na bazie Abjadnanaha instytuta enierhietyčnych i jadziernych daśledavańniaŭ «Sosny».
«My ciapier znachodzimsia na etapie ŭzhadnieńnia mižuradavaha pahadnieńnia. Kali jano budzie finalizavanaje, tady my pačniom jaho budaŭnictva. My ŭžo hatovyja. Farmat uzajemadziejańnia moža być rozny, uklučajučy sumiesnaje pradpryjemstva. Uzhadnieńnie — praces doŭhi i składany. My abaviazkova chočam, kab byli ŭličanyja intaresy biełaruskaha i rasijskaha bakoŭ, harmanizavanyja zakanadaŭčyja normy», — skazaŭ Lavicki.
«Spadziajusia, što da kanca hetaha hoda my pryjdziem da ahulnaj roŭnicy i zmožam pačać budaŭnictva. My hladzim na hety reaktar jak na vydatnuju mahčymaść padtrymlivać jadziernuju biaśpieku Biełaruskaj atamnaj elektrastancyi, testavańnia novych zborak paliva i, što niemałavažna z punktu hledžańnia ekanamičnaj pryvabnaści, mahčymaść zajmacca napracoŭkaj izatopaŭ», — zajaviŭ pradstaŭnik «Rasatama».
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova15
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2525
Kamientary