Viarchoŭny Sud pakinuŭ prysud Hierasimieni i Apiejkinu bieź źmien — 12 hadoŭ
Viarchoŭny Sud siońnia razhledzieŭ apielacyju pa kryminalnaj spravie ŭ dačynieńni da Alaksandry Hierasimieni i Alaksandra Apiejkina i pakinuŭ prysud bieź źmien, apielacyjnyja skarhi — biez zadavalnieńnia, paviedamlaje BiełTA.
Heta značyć, što prysud sudovaj kalehii Minskaha haradskoha suda ad 26 śniežnia ŭstupiŭ u zakonnuju siłu: abaim fihurantam pa 12 hadoŭ kałonii. Hierasimieni pryznačana adbyvać pakarańnie ŭ papraŭčaj kałonii ahulnaha režymu, Apiejkinu — u kałonii ŭzmocnienaha režymu.
Pavodle śledstva, Hierasimienia i Apiejkin stvaryli niezarehistravanaje ŭ Biełarusi abjadnańnie «Biełaruski fond spartyŭnaj salidarnaści». Sa žniŭnia 2020 hoda pa 20 maja 2022 hoda praź ŚMI i internet «raspaŭsiudžvali zahadzia łžyvyja źviestki i vydumki pra padziei, jakija adbyvalisia ŭ krainie, pra chod i vyniki vybarčaj kampanii 2020 hoda».
Z abvinavačanych vyrašana salidarna spahnać majomasnuju škodu: na karyść Biełaruskaj fiederacyi sučasnaha piaciborja — bolš za 22 150 rubloŭ, Biełsportazabieśpiačeńnia — 571 300 rubloŭ, Biełaruskaj fiederacyi viełasipiednaha sportu — bolš za 86 650 rubloŭ.
I Alaksandra Hierasimienia, i Alaksandr Apiejkin znachodziacca za miažoj, i pakul im ničoha nie pahražaje, tamu da prysudu staviacca navat z humaram.
«Zavočna vy mianie možacie navat rasstralać». Hierasimienia adreahavała na vyniesieny joj prysud
HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava5
HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary