«Aryštavanaja kvatera nie ŭ majoj ułasnaści». Alaksandra Hierasimienia — pra zavočny prysud i majomaść, jakuju chočuć adabrać
Płyŭčycha i byłaja kiraŭnica Fondu spartovaj salidarnaści Alaksandra Hierasimienia prakamientavała «Našaj Nivie» zavočny prysud u jaje adras. Akramia 12 hadoŭ kałonii, u dvuchrazovaj alimpijskaj pryziorki aryštavali amal 50 tysiač dalaraŭ na rachunkach, kvateru, mašynu i inšuju majomaść.
«Naša Niva»: Jak vy aceńvajecie prysud?
Alaksandra Hierasimienia: Nijak jaho nie aceńvaju, bo nasamreč hetyja ludzi dla mianie nie źjaŭlajucca lehitymnaj uładaj i ŭsie ich rašeńni niepravamocnyja.
«NN»: Vas uvohule niejak infarmavali pra sud, akramia jak praz praŭładnyja th-kanały?
AH: Nijak nie infarmavali. Pakul nijakija rašeńni ja nie apratestoŭvała i ničoha advakatu nie dasyłała, budu hladzieć dalej.
Aryštavanaja kvatera nie ŭ majoj ułasnaści, jak i haraž i ŭsio, što ŭnutry kvatery i haraža. Heta kvatera majho blizkaha svajaka, i tam prapisanaja, akramia mianie i muža, dačka, tamu ja nie viedaju, jak jany mohuć jaje zabrać. Ale ž u našaj krainie niama nijakich zakonaŭ.
«NN»: Kali na kvateru nakłali aryšt?
AH: Kvateru aryštavali jašče da prysudu, ale ž jaje tolki aryštavali, nie zabirali i ničoha ź joj nie rabili. Tamu my majem jašče miesiac, kab niešta ź jaje zabrać i pasprabavać niešta zrabić.
«NN»: Hety prysud niešta mianiaje ŭ vašym žyćci?
AH: Dy ničoha jon u im nie źmianiŭ. Što mnie tut zrobiać hetaja kvatera i hety prysud? Ničoha. Majo žyćcio tut jakim było, takim i zastałosia. Što kvatera jość, što jaje niama, što zrabili niejki prysud — nijak žyćcio nie mianiajecca.
«NN»: Vy kantaktavali ź dziaržaŭnym advakatam, jaki ŭ vas pavinien byŭ być padčas pracesu?
AH: Ja navat nie viedaju, ci byŭ hety advakat na pracesie, ci nie, ci rabiŭ jon niešta. Mnie zdajecca, kali jon byŭ, to tolki dla hałački. Ale dumaju, što budu niešta rabić dalej [z prysudam], bo ŭsie ich rašeńni niepravamocnyja, i ja mahu heta apratestavać.
«Naša Niva» — bastyjon biełaruščyny
PADTRYMAĆ«Zavočna vy mianie možacie navat rasstralać». Hierasimienia adreahavała na vyniesieny joj prysud
«My jechali pa sustrečnaj pałasie, kab vyratavacca». Alaksandra Hierasimienia raskazała pra svaju evakuacyju z Ukrainy
Hierasimienia nazvała pryčyny sychodu ź Biełaruskaha fondu spartyŭnaj salidarnaści
-
Na vahonie ciahnika, što prybyŭ u Litvu ź Biełarusi, niechta pakinuŭ vielmi dziŭny nadpis FOTAFAKT
-
Hajdukievič rekamiendavaŭ biełarusam, jakija nie ździajśniali złačynstvaŭ, «adsiedzieć i žyć dalej»
-
Stała viadoma, pa jakich piaci artykułach pačynajuć sudzić analityka Andreja Parotnikava. Jamu pahražaje da 20 hadoŭ
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»15
Kamientary