Były kiraŭnik Viciebščyny pra vyłučeńnie ŭ staršyni ABFF: Nižej za dno nie apuścišsia

— Pierš za ŭsio nie budu chavać, sama prapanova bałatavacca stała dla mianie niečakanaściu. Tym nie mienš kanstatuju fakt: Viciebskaja fiederacyja futboła vyłučyła maju kandydaturu. A dalej, usio ŭzvažyŭšy, usio abdumaŭšy, ja pahadziŭsia, bo zrazumieŭ — heta cikava, heta dobry vyklik!

Viadoma, nazvać mianie ekśpiertam, heta značyć čałaviekam, jaki daskanała raźbirajecca ŭ futbole, — nie zusim pravilna. Adnak ja z taho času, kali futboł pieražyvaŭ bum i byŭ pa-sapraŭdnamu masavym vidam sportu. Kala kožnaha šmatkvaternaha doma — «palana». Spabornictvy prachodzili paŭsiudna. Pamiž škołami, rajonami, arhanizacyjami. Sapraŭdy vielizarnaja cikavaść, na piku jakoj znachodziłasia lepšaja kamanda respubliki — minskaje «Dynama». Heta pieršaja prepazicyja.

Majo mierkavańnie takoje: dla adradžeńnia cikavaści da futboła ŭ krainie nieabchodna pavysić kankurencyju tak, kab kožny matč čempijanatu ŭtojvaŭ u sabie niepradkazalnuju intryhu. A voś asudžanaść na paražeńnie, jakaja isnuje siońnia, heta najmacniejšaja łomka dla luboha spartoŭca, jakaja pazbaŭlaje jaho natchnieńnia. U korani niapravilna. Na poli pavinny bicca ci, jak kažuć u narodzie, «rezacca» suadnosnyja pa kłasie apanienty. Tady i majsterstva budzie raści, i zaŭziatar vierniecca na trybuny.

Abdumaŭšy prapanovu Viciebskaj fiederacyi futboła ŭ takim klučy, i pryniaŭ rašeńnie dać zhodu bałatavacca. Čamu nie ja?! U nas jość kiravalnaść u krainie. My možam usio. U tym liku adradzić masavy i dziciačy futboł, što taksama vielmi važny momant. Intaresy dziaržavy, futbolnaha aktyvu i baćkoŭ supadajuć: treba vychavać aktyŭnaha, prystojnaha, mocnaha ciełam i ducham čałavieka.

Na moj pohlad, čaho ŭ biełaruskim futbole vidavočna nie chapaje — dyk heta kantrolu.

Jon pavinien być! Zrazumieła, biez kultu farmalizmu. U tym liku ŭ adnosinach da pryvatnych futbolnych škoł. Baćki taksama nie addaduć svajo dzicia tudy, dzie ŭsio biespraśvietna. Ale hałoŭnyja, bazavyja pryncypy pavinny być dakładna prapisany. Mietadałahičnaja litaratura — heta mienavita pra heta.

Darečy, ja nikoli nie braŭsia za ŭžo idealna pastaŭlenuju spravu, jakuju treba tolki padtrymlivać. Naadvarot, braŭ pazicyi «nižej za dno nie apuścišsia», kab prapanoŭvać niestandartnyja, časam fantastyčnyja rašeńni, jakija zusim nie zaŭsiody znachodzili pazityŭny vodhuk.

Tamu ja vieru ŭ siabie i ŭ svaju mahčymaść sfarmiravać kamandu adnadumcaŭ, u jakuju ŭvojduć nie tolki ludzi z ABFF. Abłasnyja i rajonnyja fiederacyi, upraŭleńni sportu, fizičnaj kultury i turyzmu, treniery i hulcy, žurnalisty i entuzijasty futboła. Usio dziela karyści i raźvićcia vialikaj hulni. I chaj heta prahučyć pafasna, ale tak padsumuju našy znosiny: kali ja biarusia za spravu — ja jaje davodžu da rozumu! — skazaŭ Šarśnioŭ.

Spravazdačna-vybarnaja kanfierencyja ABFF projdzie 22 sakavika.

Raniej paviedamlałasia, što ciapierašni staršynia fiederacyi Uładzimir Bazanaŭ padaŭ zajaŭku na ŭdzieł u pieraabrańni, adnak albo za niekalki dzion da vybaraŭ, albo niepasredna ŭ dzień kanfierencyi adkliča svaju kandydaturu, a ŭzamien atrymaje pasadu pieršaha namieśnika fiederacyi.

Takim čynam vybary projduć na biezalternatyŭnaj asnovie.

Padymać futboł daručać ahraryju-hiraviku — «Trybuna»

Biełaruskich futbalistaŭ prahoniać praź ideałahičny tavaryski sud. Chto kaho budzie sudzić?

Alena Leŭčanka i Alaksandra Hierasimienia aburylisia spartovym fondam, jaki vykarystoŭvaje ich imiony. Tam adkazali

Piać hadoŭ najhučniejšamu biełaruskamu zołatu ŭ bijatłonie. Dzie ciapier tyja, chto jaho zdabyŭ

• 2
• 0
• 20
• 19
• 2
• 3
• 2
• 0