Jak adpudzić kunicu — hety źviarok miły, ale ad jaho byvaje stolki prablem
Kunicy — miłyja žyvioły, ale mohuć stać prablemaj dla mnohich ludziej. Jany ŭładkoŭvajuć svaje hniozdy na haryščach abo ŭ haražach i psujuć majomaść.
Kunicy pierahryzajuć kabieli, zdarajecca, i ŭ aŭtamabilach, razburajuć izalacyju budynka. Adčuvalnuju škodu hety źviarok nanosić žycharam sielskaj miascovaści, palujučy na kurej, kačak i husiej. Nie admaŭlajucca kunicy i ad sadaviny.
U 2016 hodzie z-za dziejańniaŭ kunicy na niekalki chvilin spyniŭsia Vialiki adronny kałajdar.
Vyhnać kunic z domu ci z sadu dapamahajuć śpiecyjalnyja pryłady, jakija vypramieńvajuć ultrahuk. Ale treba viedać, što jany ŭździejničać i na inšych žyvioł, naprykład, katoŭ.
Pry hetym jość bolš prostyja i efiektyŭnyja srodki, viadomyja jašče našym prodkam. U kunic vielmi dobry niuch, tamu samy lepšy srodak — rezkija pachi. Najlerš tut dapamahaje sabačaja poŭść.
Ale jość i raślina, jakaja nie mienš efiektyŭnaja. Heta šporakvietnik (Plectranthus coleoides). Jana dapamoža pazbavicca nie tolki ad kunic, ale i much, kamaroŭ dy inšych nasiakomych. Kvietka moža dobra raści jak u sadzie, tak i ŭ chacie.
Jašče adzin srodak — kubik (błok) dla prybiralni. Ale tolki ŭ tym vypadku, kali na im niama čałaviečaha pachu. Kab hetaha paźbiehnuć, treba pracavać u palčatkach. Daśviedčanyja ludzi taksama rekamiendujuć vykarystoŭvać vocat ci pierac.
Treba pamiatać, što kunica chutka pryzvyčajvajecca navat da niepryjemnych pachaŭ. Tamu hetyja srodki dapamahajuć nienadoŭha.
Akramia hetaha, šmat pišuć pra vykarystańnie pastak dla kunic. Ale jany buduć efiektyŭnyja tolki ŭ vypadku pravilnaha prymianieńnia. Tak, kunica pavinna pryvyknuć da pachu jajka ci chleba ź miodam, jakija my pakidajem ŭ pastcy, i tolki praź niekalki dzion jana navažycca ich pasprabavać. Tamu treba być vielmi ciarplivym.
Vy možacie pasprabavać roznyja srodki. Ale, jak viadoma, najlepš papiaredzić prablemu, čym ź joj zmahacca. Tamu ŭžo na stadyi budaŭnictva doma varta praduhledzieć mahčymyja prablemy najpierš zrabić niemahčymym dostup hetych žyvioł na haryšča.
Pratasieviču admianili hihancki štraf, i jon palacieŭ na adpačynak u Dubaj8
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2121
Kamientary
bue. a j sapraŭdy. nijakaj karyści, akrom škody, niama ad hetych kabialoŭ