Zdaroŭje22

Stamatołahi chacieli b, kab my viedali pra hetyja rečy

Zubnaja nitka — abaviazkova, elektryčnaja ščotka — nie abaviazkova, dy inšyja parady, jakija zrobiać vašy zuby bolš zdarovymi.

Fota: Pixabay

Mnohija adkładvajuć vizity da stamatołaha da taho času, pakul nie źjaviacca vidavočnyja prablemy. Adnak heta pamyłka, kaža vydańniu New York Times pradstaŭnica Amierykanskaj stamatałahičnaj asacyjacyi Tryša Kuort-Sahajl.

«Mnohija ludzi razhladajuć adsutnaść bolu jak pakazčyk taho, što ŭsio ŭ paradku, ale heta nie abaviazkova tak», — źviartaje ŭvahu doktar.

Naprykład, padčas pieršych stadyj paradantozu, jaki jość amal u pałovy darosłych ludziej i jaki patencyjna moža pryvieści da straty zuboŭ, časta «naohuł niama nijakaha bolu».

Da taho ž zapisvacca na ekstranny pryjom, kali vy ŭžo cierpicie bol, — heta vielmi drennaja ideja. Jak kaža Tryša, čamuści heta niepaźbiežna zdarajecca «na vychadnych abo kali vy ŭ adpačynku za miažoj».

Voś jašče piać rečaŭ, pra jakija stamatołahi chacieli b, kab my viedali:

Elektryčnaja zubnaja ščotka — nie bolš efiektyŭnaja za zvyčajnuju

Čyścicie zuby 2 razy na dzień, dbajna, nie mienš za 2 chviliny. Rabicie heta pa linii dziasnaŭ pad vuhłom 45 hradusaŭ. Heta ŭsio, što vam treba viedać pra čystku zuboŭ.

U vas moža być jak elektryčnaja, tak i zvyčajnaja ščotka.

Adnak kali vy zanadta zachoplena čyścicie zuby, vam moža dapamahčy elektryčnaja zubnaja ščotka z datčykam cisku, jaki padkaža, što treba źmienšyć naciskańnie. Heta važna, bo praźmiernaja čystka zuboŭ — adna z asnoŭnych pryčyn pamianšeńnia pamieraŭ dziasnaŭ, jakoje pravakuje ahaleńnie korania zuba.

Zubnaja ščotka musić być toj ćviordaści, jakaja padychodzić mienavita vam. Univiersalnym varyjantam ličycca siaredniaja stupień ćviordaści, adnak tym, u kaho prablemy ź dziasnami i emallu, bolš padydzie miakkaje ščacińnie, a tym, kamu treba pazbavicca ad kamianioŭ i nalotu, — ćviordaje. Mianiać zubnuju ščotku varta kožnyja 2-3 miesiacy.

Pasty mohuć być lačebnyja i zvyčajnyja. Kali vy zmahajeciesia z adčuvalnaściu ci ŭ vas prablemy ź dziasnami, patrebnaja lačebnaja pasta, jakuju paraić doktar. Jość pierakanańnie, što ftor u składzie pasty — heta škodna, adnak taksama jość daśledavańni, jakija heta abviarhajuć.

Karystajciesia zubnoj nitkaj

Jak, vierahodna, kazaŭ kožny dantyst, jakoha vy kali-niebudź bačyli, varta štodnia karystacca zubnoj nitkaj — bo ščotka nie moža prybrać reštki ježy pamiž zubnymi pramiežkami. Čyścić zuby nitkaj dastatkova raz na dzień pierad snom. Ruch nitki robicca tolki pa vosi zuba.

Kali vy zakiniecie hetuju zvyčku, a potym adnovicie, možacie ŭbačyć krychu kryvi. «Heta jak pačać zajmacca sportam, kali vy daŭno nie zajmalisia, i vašy myšcy balać», — kaža Ćjen Czian, instruktar pa palitycy hihijeny rotavaj połaści i epidemijałohii ŭ Harvardskaj škole stamatałahičnaj miedycyny. Ale varta prajści praz hety pačatkovy pieryjad, bo paśla hetaja zvyčka zabiaśpiečyć vam zdaroŭje zuboŭ.

Kali vašy dziasny kravatočać doŭhi čas — źviarniciesia da stamatołaha, bo tak być nie pavinna. Simptom śviedčyć pra nieabchodnaść dadatkovaha dohladu abo lačeńnia.

Zdaroŭje rotavaj połaści źviazanaje z ahulnym zdaroŭjem vašaha cieła

U bolšaści vypadkaŭ zdaroŭje zuboŭ i ahulnaje zdaroŭje čałavieka lekary razhladajuć asobna. Adnak raście kolkaść daśledavańniaŭ, jakija pakazvajuć, jak zdaroŭje zuboŭ moža ŭpłyvać na zdaroŭje ŭsiaho cieła.

Tak, paradantoz moža być spadarožnym faktaram takich zachvorvańniaŭ, jak dyjabiet, niekatorych vidaŭ raku i sardečna-sasudzistych zachvorvańniaŭ. Tamu, kali vaša rotavaja połaść u dobrym stanie, u vas mienšaja ryzyka raźvićcia i inšych uskładnieńniaŭ zdaroŭja.

Admoŭciesia ad vuhalnych zubnych past

Raście papularnaść zubnych past, što źmiaščajuć paraškapadobny aktyvavany vuhal. Jany pazicyjanujucca jak naturalny adbielvalnik zuboŭ.

Ale daśledavańnie 2017 hoda, apublikavanaje ŭ Časopisie Amierykanskaj stamatałahičnaj asacyjacyi, pryjšło da vysnovy, što, choć vuhalnyja zubnyja pasty mohuć być «modnymi», jany nie majuć efiektu adbielvańnia. Zamiest hetaha daśledčyki vyjavili, što šlifavalnaja zdolnaść vuhalnaj zubnoj pasty moža vyklikać hipieradčuvalnaść zuboŭ, a čaścicy draŭnianaha vuhalu mohuć zatrymacca ŭ dziasnavych kišeniach i vyklikać ich paškodžańnie i abieskalaroŭvańnie.

Tak što lepš abrać zvyčajnyja adbielvalnyja pasty.

Nie zabyvajcie pra razumnaje charčavańnie 

Ćviordyja ci chrumstkija pradukty, takija jak jabłyki, syraja morkva i sielderej, dapamahajuć ačyścić zuby. Tak što, kali pakinuć hetyja pradukty na kaniec pryjomu ježy, vy pačyścicie zuby naturalnym čynam.

Jość taksama šerah napojaŭ, jakija paciamniajuć zuby, — heta čornaja harbata, kava i čyrvonaje vino. Paśla ich užyvańnia lepš pałaskać rot vadoj.

Jakija stravy i napoi najhoršyja dla vašych zuboŭ? Raskazvajuć daktary

Kali lepš čyścić zuby — da śniadanku ci paśla? Voś što kaža navuka

Kamientary2

  • Cikava
    24.02.2023
    Samaje śmiešnaje, što kali vy vyjdziecie na sajt amerykanskaj " administracyi pa ježy i lekach" vy pabačycie, što hetaja arhanizacyja nie davała svajo "dabro" na užyvańnie ftoru ni ŭ pastach, ni ŭ dantystskich ofisach, a jon usiudy ŭžyvajecca.
  • Nie Cikava
    01.03.2023
    Cikava, heta tamu što ŭ Amerycy ftor dadajuć u systemu vodazabieśpiačeńnia. Jana va ŭsich prosta z-pad krana ciače z ftoram. Tamu va ŭsich zuby biełyja

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Usie naviny →
Usie naviny

Hety karlikavy kot z saramlivym vyhladam staŭ novaj zorkaj sacsietak5

U hateli Banhkoka znojdzieny miortvymi šeść hramadzian Vjetnama1

Nazvany śviežy miedyjanny zarobak. I jon namnoha mienšy za siaredni

Vyśvietliłasia, što pad Maskvoj patanuŭ kiraŭnik delehacyi vajskoŭcaŭ KNDR

Rabočamu z Baranavičaŭ dali hod za łajki pad karykaturami na Łukašenku. Ciapier pahražaje jašče da 12 hadoŭ3

Zamach na Donalda Trampa płanavaŭ Iran — CNN12

Minenierha paviedamiła pra adnaŭleńnie elektrazabieśpiačeńnia Mazyra1

Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać

Ad siońnia Litva maje namier uvieści abmiežavańni na ŭjezd aŭto ź biełaruskimi numarami31

bolš čytanych navin
bolš łajkanych navin

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy

Hałoŭnaje
Usie naviny →