Pra što nie raskaža ściuardesa: što varta viedać pra hihijenu i ježu ŭ samalocie 

Što chavajecca za pryjemnaj uśmieškaj ściuardesy? Ci ŭsio tak dobra z hihijenaj na borcie samalota? Čaho treba aścierahacca? Jakija tajemnyja znaki padaje ściuardesa ŭ vypadku niebiaśpieki?

Hihijena

Najbolš brudnaje miesca ŭ samalocie — adkidny stolik. Jaho kaeficyjent zabrudžańnia amal u 10 razoŭ bolšy, čym u spražki remienia biaśpieki, u 7,5 raza, čym u vierchniaj vientylacyjnaj adtuliny, i ŭ 8 razoŭ, čym u knopki źlivu ŭ prybiralni samalota. Nie samyja čystyja i prybiralni, tamu lepš tudy nie zachodzić biez abutku. A dla taho, kab pasažyry nie bačyli brudu, aśviatleńnie tam časta drennaje.

Jašče adno vielmi brudnaje miesca — kišeni ŭ siadzieńniach. Jany zroblenyja z tkaniny, tamu, u adroźnieńnie ad stałoŭ, nie pracirajucca.

Pasažyry pavinny z aściarohaj vykarystoŭvać koŭdry, jakija vydajucca na doŭhich rejsach, bo nie zaŭsiody isnuje mahčymaść ich myćcia paśla rejsa. Časam adny i tyja ž koŭdry vykarystoŭvajuć na zvarotnym rejsie.

Ježa

Mała chto viedaje, što piłoty i ściuardesy tannych avijakampanij časta nie atrymlivajuć nijakaj ježy. Jany pavinny pra heta pakłapacicca sami. A voś na praciahłych pieralotach ekipaž zabiaśpiečvajecca ježaj, jakaja krychu lepšaja, čym u pasažyraŭ. Pieršymi atrymlivajuć abied piłoty. Im zaŭsiody padajuć roznyja stravy, kab paźbiehnuć adnačasovaha atručeńnia. Isnujuć taksama avijakampanii, dzie bortpravadniki majuć svoj nievialiki šviedski stoł u čas palotu. Jon schavany za zasłonaj.

Mnohija adznačajuć, što ježa, jakuju padajuć u čas pieralotu, nie takaja smačnaja, jak na ziamli. Heta źviazana sa źnižeńniem adčuvalnaści našych smakavych receptaraŭ z-za nizkaj vilhotnaści ŭ samalocie i roźnicy ŭ cisku pamiž sałonam i za bortam. Tamu, kab adčuć pach stravy, treba dadać bolš soli i piercu.

Aściarožnym treba być z užyvańniem ałkaholu. Adzin kilišak padčas palotu roŭny dvum na ziamli. Vyšynia ŭździejničaje na kroŭ tak, što śpirtnoje ŭ niebie akazvaje bolš mocny efiekt, čym na ziamli.

Dziŭnyja huki i žesty

U čas palotu dla palahčeńnia kamunikacyi ekipaž vykarystoŭvaje śpiecyjalnyja sihnały. Naprykład, čatyry hukavyja sihnały aznačajuć, što bortpravadniki va ŭsich siektarach pavinny źniać trubku. Kali prahučała dva hudki, to źniać trubku pavinny tolki ŭ adnym siektary. Adzin hukavy sihnał infarmuje ab tym, što źviartajecca pasažyr. Adzin vysoki i adzin nizki sihnały aznačajuć, što telefanuje kamandzir. Ale ŭ kožnym samalocie huki roznyja.

Akramia hetaha, u bortpravadnikoŭ jość svaja mova. Kožnaja litara ałfavita maje svoj adpaviednik: B — «brava», A — «alfa», S — «čarli», D — «delta», F — «fakstrot», E — «eko». Tak, kali treba paviedamić pra niejkuju prablemu, źviazanuju z pasažyram, to dla abaznačeńnia jaho miesca, naprykład, 2D, ściuard skaža: «Dva delta».

Jašče vykarystoŭvajucca śpiecyjalnyja žesty, z dapamohaj jakich kamunikujuć pamiž saboju bortpravadniki. Naprykład, kali ściuardesa pakazvaje litaru V, to heta moža aznačać nieabchodnaść prynieści dva napoi.

Biaśpieka i kamfort

Pierad uźlotam bortpravadniki znajomiać pasažyraŭ z praviłami biaśpieki. Ale čym abhruntavana patrabavańnie adkryć štorki ci prybrać adkidnyja stoliki? Adkryvać štorki pry ŭźlocie i pasadcy prosiać dla ahladu ruchavikoŭ. Kali jany zaharacca, to heta budzie vidać. Adkidnyja stoliki nieabchodna prybrać, kab pry rezkim manieŭry samalota pasažyr nie atrymaŭ udar u žyvot ci hrudnuju kletku. Śpinki kresłaŭ nieabchodna pryvieści ŭ viertykalnaje stanovišča, kab pasažyr, jaki siadzić zzadu, nie paškodziŭ hałavu pry ćviordaj pasadcy. Navušniki prosiać dastać z vušej, kab pasažyr svoječasova pačuŭ paviedamleńnie pra nadzvyčajnaje zdareńnie na borcie. Patrabavańnie vyklučyć lubuju techniku źviazana ź pieraškodami, jakija jana vyklikaje. A jany mohuć pieraškodzić piłotam zrazumieć, što im havoryć dyśpietčar.

Mała chto viedaje, što asnoŭnaja zadača bortpravadnika nie absłuhoŭvańnie pasažyraŭ, a dapamoha kapitanu ŭ zabieśpiačeńni biaśpieki palotu. Kožny sa ściuardaŭ adkazvaje za svoj učastak sałona i ŭ vypadku niestandartnych situacyj paviedamlaje pra ich kamandziru samalota. Praz peŭnyja pramiežki času jany pavinny źviazvacca ź piłotami, kab upeŭnicca, što apošnija ŭ paradku. Naprykład, na rasijskich avijalinijach bortpravadnik pavinien heta rabić kožnyja 40 chvilin dniom i 20 chvilin nočču.

Kali kazać pra biaśpieku pasažyraŭ, to mała chto viedaje, što pry ŭźlocie i pasadcy nielha spać, bo ŭ hety čas uźnikajuć vialikija pierapady cisku. Kali ŭ hety čas spać, to možna pračnucca z kryvaciokam z nosa.

Kab nie zakładvała vušy padčas uźlotu i pasadki, treba smaktać cukierku ci žavać žujku. Možna prosta pryadkryvać rot i rabić hłytalnyja ruchi ci imitavać paziachańnie.

Kožnaja častka ŭ samalocie pavinna mieć śpiecyjalny siertyfikat. Navat čachły na siadzieńni abo štorki pavinny mieć siertyfikat vohnieŭstojlivaści. Heta nie značyć, što jany nie harać, harać, ale pavolniej. Kožny dyvanok pavinien być antystatyčnym, bo iskra moža vyklikać vialikuju trahiedyju.

Apošnim časam usio bolš pasažyraŭ biare z saboju svojskich žyvioł. Zvyčajna na bort možna ŭziać hadavanca, jaki važyć nie bolš za vosiem kiłahramaŭ i źmiaščajecca ŭ kletku, jakaja svaimi pamierami adpaviadaje patrabavańniam avijakampanii, kab mahła raźmiaścicca pad siadzieńniem. U inšym vypadku pieranosku ci kletku z žyviołaj daviadziecca zdać u bahaž. A heta vialiki stres dla hadavanca.

A ŭ kancy aniekdot

Pasažyrski łajnier. 9000 mietraŭ nad ziamloju. Samalot traplaje ŭ pavietranuju jamu. Jaho dobra trasianuła. Kryki… Vizhatańnie…

Ściuardesa: «Tak, chucieńka ŭsie ŭsielisia! Sieli na svaje miescy! Ja kamu skazała! Chopić biehać i leźci na ścienki! Pierastańcie harłapanić!

Tak, ty kudy vanituješ… Nu jość ža pakiety dla hetaha… A ty što? Ty abrabiŭsia ci što?! Nu, jak dzieci!

Tak, usie ŭsielisia, supakoilisia, pryšpililisia! Usio… Dobra… Uziali šturvały ŭ ruki…

Nu, narešcie!

Pajdu zaraz pasažyraŭ supakoju». 

• 45
• 0
• 38
• 5
• 4
• 5
• 22
• 0