ŚMI: Rasija na nastupnym etapie vajny płanuje masava zadziejničać suprać Ukrainy avijacyju
Rasijskaje vydańnie «Važnyje istorii» paviedamlaje na padstavie infarmacyi svaich krynic, blizkich da Minabarony RF, što rasijskija vajskoŭcy vyrašyli masava vykarystoŭvać avijacyju na froncie i heta moža pryvieści da pavieličeńnia strataŭ z abodvuch bakoŭ.
Niahledziačy na ŭsie namahańni, padčas vajny Rasija nie zdoleła źniščyć ukrainskija SPA. Tamu niepasredna nad linijaj frontu i tym bolš u hłybini ŭkrainskaj terytoryi rasijanie vielmi redka vykarystoŭvajuć svaju avijacyju, bo heta moža pahražać im vialikimi stratami.
Ale ciapier, jak pišuć «Važnyje istorii», rasijskaje kamandavańnie vyrašyła źmianić padychody.
«Raniej jaje [avijacyju] bierahli, jana amal nie zalatała ŭ zonu dziejańnia ŭkrainskaj SPA. Ciapier vyrašyli źmianić taktyku», — havoryć surazmoŭca vydańnia.
Jon ličyć, što samaloty i viertaloty «buduć masava źbivać», ale va USU ŭ vyniku hetaha ŭsio adno ŭźniknuć prablemy.
Na hetym tydni Financial Times sa spasyłkaj na źviestki zachodniaj raźviedki paviedamiła, što Rasija ściahvaje bajavuju avijacyju da miežaŭ Ukrainy. Surazmoŭcy brytanskaha vydańnia ŭ NATA raskazali, što Rasija rychtuje pavietranuju kampaniju, u jakoj zadziejničaje kala 80% svajoj avijacyi i pasprabuje źniščyć SPA Ukrainy.
U toj ža čas pytańnie ź pieradačaj Ukrainie zachodnich samalotaŭ-źniščalnikaŭ choć i abmiarkoŭvajecca, ale pakul što, jak vyhladaje, davoli dalokaje ad pazityŭnaha vyrašeńnia. Tamu ŭ halinie avijacyi rasijskaje vojska pakul što vidavočna maje pieravahu nad ukrainskim.
Čytajcie taksama:
Polšča hatovaja pieradać Kijevu źniščalniki, ale nie budzie rabić heta pieršaj z krain NATA
Na Miunchienskaj kanfierencyi Ukraina budzie havaryć pra rakiety, samaloty i ŭstupleńnie ŭ NATA
«Nie». Bajden vykazaŭsia pra pieradaču Ukrainie źniščalnikaŭ F-16
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach45
Kamientary