Viadomaj mahiloŭskaj mastački Maryny Nieściaruk nie stała 15 lutaha paśla praciahłaj chvaroby serca, paviedamlaje Mahiloŭ.Media.
Maryna Uładzimiraŭna Nieściaruk pracavała mastakom Muzieja historyi Mahilova, była siabram Sajuza mastakoŭ Biełarusi, aŭtaram šmatlikich mastackich vystaŭ. Apošniaja jaje vystava «Kłumbavosień» adkryłasia ŭ Vystavačnaj zale Mahilova ŭ listapadzie minułaha hoda.
Maryna Nieściaruk — aŭtarka habielenaŭ, jakimi ŭpryhožanaja ratuša Mahilova, žyćciaradasnych i natchnialnych mastackich pałotnaŭ, što šmat razoŭ byli pradstaŭlenyja na najlepšych vystavach u Mahilovie i ŭ Biełarusi.
Jana taksama vyłučałasia vybitnym pačućciom vystavačnaj ekspazicyi: kalehi i prafiesijanały vyłučali jaje jak adnu z najlepšych u krainie pa mastactvie stvareńnia vystaŭ.
Raniej Nieściaruk uznačalvała mahiloŭskaje adździaleńnie Sajuza mastakoŭ Biełarusi.
Muž mastački — taksama viadomy mahiloŭski mastak Juryj Nieściaruk, mastactvam zajmajecca i syn Leanid — adzin z muzykaŭ znakamitaha hurta Nizkiz.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary