Kiraŭnik MZS Vienhryi: Ja prybyŭ u Minsk havaryć pra mir va Ukrainie
U Minsk prylacieŭ kiraŭnik MZS Vienhryi Pieter Sijarta. Pra mety svajho vizitu jon napisaŭ u fejsbuku, piša «Ukrainskaja praŭda».
![](http://d3kcf2pe5t7rrb.cloudfront.net/img/w840d4webp1/photos/z_2023_02/sijarta230213-lv76n.jpg.webp)
Pavodle jaho słoŭ, Vienhryja čakaje, što ŭsie členy mižnarodnaj supolnaści jak maha chutčej pačnuć dziejničać u intaresach miru i paźbiahać lubych krokaŭ, jakija mohuć pryvieści da praciahu abo eskałacyi vajny. «Heta mirnaja pazicyja, jakuju ja budu zajmać na pieramovach u Minsku siońnia», — zajaviŭ Sijarta.
U toj ža čas jon čakaje krytyki svajho vizitu ŭ Biełaruś — heta pieršy za vielmi praciahły pieryjad vizit jeŭrapiejskaha čynoŭnika takoha ŭzroŭniu ŭ Minsk.
«Vidavočna, što mnohija buduć atakavać vizit, ale naša pazicyja vyraznaja: kanały kamunikacyi pavinny być adkrytymi. Kali b my hetaha nie zrabili, ja nie zmoh by siońnia danieści da vas zaklik da miru», — zajaviŭ Sijarta.
Kamientary
Da Pucina varta lacieć, to bok da Łaŭrova z Šajhoj, a jany potym "starcu" pieradaduć pažadańni