Daniłaŭ: Rasijanie ŭžo pačali «vialiki nastup», ale majuć ź im vialikija prablemy
Sakratar RNBA Alaksiej Daniłaŭ zajaviŭ, što rasijanie ŭžo pačali svoj «vialiki nastup», ale ź im u zachopnikaŭ «vialikija prablemy». Pra heta jon zajaviŭ u efiry telemarafonu, piša «UP».
«Ź vialikim nastupam u ich vialikija prablemy. Jany ŭžo pačali svoj nastup, jany prosta nie kažuć, što jany jaho pačali, a našy vojski jaho vielmi mahutna adbivajuć. Toj nastup, jaki jany płanavali, užo pastupova idzie. Ale nie takoje nastupleńnie, na jakoje jany raźličvali».
Kamientujučy zajavu namieśnik kiraŭnika MZS RF Siarhieja Viaršynina pra toje, što Rasija nibyta hatovaja da pieramoŭ z Ukrainaj «biez papiarednich umoŭ» z ulikam met RF i realnaści, sakratar RNBA adznačyŭ, što rasijanie sprabujuć realizavać prajekt «Druhaja Ukraina».
«Što tyčycca prapanovy z Maskvy, to ŭ ich ciapier idzie prajekt pad nazvaj «Druhaja Ukraina», jany reanimujuć palittechnołahaŭ, jakija pracavali ŭ časy Janukoviča, uznačalvali instytuty niejkija, jany siońnia ŭžo pačynajuć svaju brudnuju pracu na terytoryi našaj krainy, kab nas prymusić da situacyi, umoŭna, dźviuch Karej 1957 hoda, pa «38 paraleli»… Niekatoryja z Partyi rehijonaŭ, a potym z OPZŽ, jakija znachodziacca za miažoj… da Manaka, jany heta supravadžajuć, kantaktujuć. Nijakaj druhoj Ukrainy nie budzie, budzie adzinaja vialikaja kraina», — skazaŭ Daniłaŭ.
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary