Biełarusku Alaksandru Akpynar i jaje syna znajšli pad zavałami
Pra heta ŭ sacsietkach napisała siastra Alaksandry Maryja.
Raniejšaja infarmacyja ad rodnych pra toje, što Alaksandra ŭ balnicy, nie paćvierdziłasia — na videa bačyli padobnuju žančynu, ale heta nie jana.
«Majoj siastry niama ŭ balnicach Miersina i Adany. Małavierahodna, što jaje i syna dastali z-pad zavałaŭ», — pieršapačatkova napisała Maryja. Potym jana napisała, što siastru i plamieńnika znajšli pad zavałami miortvymi.
Apošni raz Alaksandra Akpynar vychodziła na suviaź uviečary 5 lutaha. Jana žyła z mužam i synam u Chatai — adnym z samych paciarpiełych ad mahutnaha ziemlatrusu rajonaŭ.
8 lutaha stała viadoma, što muž Alaksandry Kiemal pamior u špitali.
Viadoma, što ŭ inšym tureckim horadzie Kachramanmarašy padčas ziemlatrusu taksama zahinuła biełaruska razam z mužam i dziećmi — 11-hadovym synam i 4-hadovaju dačkoju. U domie, dzie žyła hetaja siamja, uratavalisia ŭsie, akramia ich. Cieła biełaruski i jaje 4-hadovaj dački dastali z-pad zavałaŭ učora.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary