U Rasii ŭ piatnicu na patrabavańnie Raskamnahladu zabłakavali dostup da sajtaŭ CRU i FBR, a taksama da sajta Dziarždepa ZŠA Rewards for Justice.
Heta sajt prahramy, u ramkach jakoj ZŠA vypłačvaje ŭznaharody za infarmacyju pra pahrozy dla nacyjanalnaj biaśpieki krainy. Pryčyna błakavańnia resursaŭ nie paviedamlajecca, sajty zabłakavanyja z 26 studzienia.
U mai minułaha hoda kiraŭnik kamiteta Dziarždumy pa biaśpiecy Vasil Piskaroŭ zajaviŭ, što publikacyi CRU na ruskaj movie źjaŭlajucca padbuchtorvańniem da dziaržzdrady i «nieprychavanaj sprobaj viarboŭki».
2 maja CRU na svaim kanale ŭ YouTube apublikavała videarolik na ruskaj movie, u jakim paviedamlała, jak možna biaśpiečna źviazacca ź imi dla pieradačy infarmacyi. U svaju čarhu, rasijskaja słužba zamiežnaj raźviedki jašče ŭ krasaviku 2021 hoda adkryła internet-pryjomnuju ŭ darknecie, dzie prosić dzialicca infarmacyjaj pra «pahrozy biaśpieki RF».
Na pačatku studzienia vajskovaja prakuratura Uładzimirskaj vobłaści taksama padała isk ab błakavańni navinnaha sajta AAN na terytoryi Rasii, ale ŭ piatnicu sama admoviłasia ad jaho. Sud spyniŭ vytvorčaść pa spravie. Na heta pieršy źviarnuŭ uvahu tielehram-kanał «Dovad».
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary