Niahledziačy na spynieńnie tranzitu kaliju, rekordny hruzaabarot u Kłajpiedskim porcie: hadavy rost — 57 pracentaŭ
Kłajpiedski marski port, jaki prahnazavaŭ skaračeńnie hruzaabarotu na 35 pracentaŭ u 2022 hodzie, zmoh pieraaryjentavacca i pryciahnuć novyja hruzapatoki. U kancy hoda byŭ zafiksavany rekord — abjom hruzaabarotu pieravysiŭ adznaku ŭ 1 młn TEU (standartyzavanych kantejnieraŭ), piša Delfi.
Kłajpiedski port — marskija varoty Litvy. Letaś jaho hruzaabarot pieravysiŭ adznaku 1 młn TEU (standartyzavanych kantejnieraŭ). U paraŭnańni z kantejniernym hruzaabarotam u inšych partach uschodniaha ŭźbiarežža Bałtyjskaha mora, u Kłajpiedskim porcie rost byŭ samym značnym.
U kancy 2021 hoda Litva admoviłasia ad tranzitu biełaruskich uhnajeńniaŭ, z-za čaho Minsk praročyŭ Litvie šmatmiljardnyja straty. Da 2020 hoda biełaruskija tavary zabiaśpiečvali 30 pracentaŭ hruzaabarotu Kłajpiedy. Na fašyzacyju režymu paśla 2020 hoda i saŭdzieł łukašenkaŭcaŭ u ahresii suprać Ukrainy Jeŭrasajuz adkazaŭ sankcyjami, jakija zrabili niemahčymym tranzit mnohich biełaruskich hruzaŭ i najpierš salihorskaha kaliju i naftapraduktaŭ. Hetyja sankcyi nanieśli balučy ŭdar pa prybytkach łukašenkaŭcaŭ, ale, jak vyjaviłasia, nie źnizili abarotaŭ porta.
Kamientary