Mintrans skarektavaŭ adzinyja prahramy padrychtoŭki, a taksama pierapadrychtoŭki kiroŭcaŭ u Biełarusi. Adpaviednaja pastanova viedamstva №91 ad 3 listapada 2022 hoda apublikavanaja na Nacyjanalnym pravavym partale.
Zhodna z dakumientam,
klučavymi źmienami źjaŭlajucca novyja prahramy dla kursantaŭ aŭtaškoł, jakija ciapier mohuć navučacca kiravańniu nie tolki na miechaničnaj skryncy pieradač, ale taksama i na aŭtamatyčnaj.
Razam z tym uvodziacca novyja adzinyja prahramy pierapadrychtoŭki kiroŭcaŭ aŭtobusaŭ (havorka idzie pra katehoryju D) na prava kiravańnia tralejbusami (katehoryja I). Adznačajecca, što kiroŭcy tralejbusaŭ pa tych ža navučalnych prahramach zmohuć atrymać aŭtobusnuju katehoryju.
U dakumiencie tłumačycca, što takoje novaŭviadzieńnie źviazanaje z sučasnymi tendencyjami raźvićcia elektryčnaha transpartu dla nadańnia mahčymaści pierapadrychtoŭki kiroŭcaŭ tralejbusaŭ i aŭtobusaŭ.
Z dakumienta vynikaje, što taksama zaćviardžajucca adzinyja prahramy, jakija śpiecyjalna pryznačanyja dla kiroŭcaŭ-mižnarodnikaŭ. Jany zakranuć kursantaŭ, jakija atrymlivajuć pravy katehoryi S (mižnarodnyja pieravozki) i dalnabojščykaŭ, jakija prachodziać pierapadrychtoŭku na katehoryju SIE (mižnarodnyja pieravozki — fura z pryčepam).
U pastanovie skazana, što
navučalnyja prahramy praduhledžvajuć istotnyja źmieny ŭ takich raździełach, jak «Uładkavańnie i ekspłuatacyja aŭtamabilaŭ katehoryi «S», a taksama «Uładkavańnie i ekspłuatacyja składu transpartnych srodkaŭ katehoryi «SIE». Adznačajecca, što ŭ navučalny kurs byŭ uklučany pradmiet pad nazvaj «Arhanizacyja i vykanańnie mižnarodnych aŭtamabilnych pieravozak hruzaŭ».
Udakładniajecca taksama, što nazvanyja novaŭviadzieńni nakiravanyja na raźvićcio mižnarodnych aŭtamabilnych pieravozak, a taksama na skaračeńnie času na padrychtoŭku i pierapadrychtoŭku vadzicielaŭ.
Dakumient nabyvaje moc adrazu paśla aficyjnaha apublikavańnia.
Kamientary