10% biełaruskich dziaciej pačynajuć vejpić užo ŭ pačatkovych kłasach
Pradstaŭnica Respublikanskaha centra hihijeny, epidemijałohii i hramadskaha zdaroŭja Taćciana Pronina ŭ efiry dziaržaŭnaha telebačańnia raskazała pra prablemu z kureńniem vejpaŭ sučasnymi biełaruskimi školnikami. Pavodle jaje słoŭ, mnohija dzieci pačynajuć heta rabić jašče da čaćviortaha kłasa.
Taćciana Pronina adznačyła, što 17 hadoŭ vyvučaje spažyvańnie tytuniu i novych praduktaŭ — kaljanaŭ, elektronnych cyharet i hetak dalej. Za apošni čas apytali 12 tysiač dziaciej pa ŭsioj krainie, i statystyka pa vejpach žachaje.
«Pačynajuć kuryć u pačatkovaj škole. I 10% pačynajuć heta rabić da 4 kłasa, heta strašna. […] I heta dzieci nie tolki niejkaj peŭnaj łakalnaj hrupy, heta dzieci ŭsioj Respubliki Biełaruś.
Ja vam chaču skazać, što źnižeńnie spažyvańnia cyharet u 5 razoŭ za tyja 17 hadoŭ — heta cudoŭnyja danyja. […] Ale pry tym, što 5% dziaciej kurać zvyčajnyja cyharety, 15% — heta dzieci z 7-9 kłasa — kurać elektronnyja cyharety. Heta značyć ujavicie, u try razy bolš vejpiać, čym kurać zvyčajnyja cyharety. I heta dzieci z 7 kłasa. U 9 kłasie kuryć kožny piaty. Možacie sabie ŭjavić? I asabliva napružvaje toje, što […] dziaŭčynki kurać stolki ž, kolki i chłopčyki. U pracentnych adnosinach navat bolš».
Na pytańnie prapahandysta Ryhora Azaronka, što, na jaje dumku, z hetym možna zrabić, adkaz Taćciany Proninaj byŭ łakaničny: «Zabaranić».
Pamiatajecie, Kačanava paabiacała zabaranić vejpy? Ciapier jana tłumačyć, čamu ŭsio stała
U Biełarusi źbirajucca zabaranić vejpy. Užo rychtujuć zakonaprajekt
U Biarozaŭskim rajonie adnahadovaje dzicia atruciłasia vadkaściu dla vejpaŭ
Kolkaść padletkaŭ-vejpieraŭ za piać hadoŭ vyrasła ŭ try razy — NPC hihijeny
Vučonyja vyśvietlili, što kureńnie elektronnych cyharet pamianšaje jaječki ŭ mužčyn
Kamientary