Traŭmatołah i kalinoviec raskłali pa paličkach «lepšuju za nataŭskuju» aptečku

Načyńnie aptečki, prezientavanaj Łukašenkam. Fota: Minaabarony

Razabrać, što ŭnutry, dapamahaje traŭmatołah z 30-hadovym stažam Siarhiej.

Miarkujučy pa fota, udaskanalenaja indyvidualnaja aptečka ŭkamplektavanaja:

— bintom;

— hiemastatyčnym bintom;

— indyvidualnym pieraviazačnym pakietam;

— taktyčnym žhutom (dazvalaje chutka i efiektyŭna spynić kryvaciok z kaniečnaściaŭ i biaśpiečna transpartavać paciarpiełaha da punkta akazańnia miedycynskaj dapamohi);

— humavym žhutom Esmarcha (pryznačany dla časovaha spynieńnia kryvi pry arteryjalnych kryvaciokach ź vierchnich i nižnich kaniečnaściaŭ);

— antysieptykam;

— sterylnymi survetkami na ranu;

— nazafarynhiealnaj trubkaj (srodak dla akazańnia ekstrannaj dapamohi, z dapamohaj jakoha stvarajuć svabodny dychalny kanał dla nieprytomnaha pacyjenta);

— pilulami, chutčej za ŭsio, bolesucišalnymi;

— palčatkami.

Kamandzir evakuacyi bataljona «Vołat» pałka Kalinoŭskaha Nastaśsia «Sievier» Machamiet zaŭvažaje, što aptečka niakiepskaja, ale nie pa nataŭskim standarcie.

«Jana łahičnaja i jaje kamplektavali ludzi ź miedyčnaj adukacyjaj, jakija raźbirajucca ŭ łohicy taktyčnaj miedycyny, adnak bačna, što ŭ ich niestaje dobrych resursaŭ».

U aptečcy jość materyjały dla tampanady, jość bandažy, krovaspynialnyja srodki. Adnak pytańnie da ich jakaści. Turnikiety (krovaspynialnyja žhuty) padobnyja da kitajskich. Jany horšyja pa efiektyŭnaści i časta rvucca, kali ich vykarystoŭvajuć.

«Što datyčyć žhuta Esmarcha, to jon zusim nie pryznačany dla chutkaha nakładańnia, a samomu sabie jaho nakłaści jašče ciažej. Patrabujucca vysiłki. Treba zachoŭvać niejki čas pastajanny cisk, a kali ciažkaje ranieńnie i mała času, kab spynić kroŭ, to žhut Esmarcha — kiepski vybar. U paranienaha nie chopić sił dać ź im rady», — tłumačyć Anastasija.

Jana zaŭvažaje, što ŭ indyvidualnaj aptečcy nie bačyć akluzijnaha płastyru — jon praduchilaje traplańnie pavietra, vilhaci i mikraarhanizmaŭ u ranu z navakolnaha asiarodździa. 

Pa nataŭskim standarcie ŭ kožnaj indyvidualnaj aptečcy musiać być dźvie takija naklejki. U vypadku ranieńnia ŭ hrudnuju kletku, kali jość uvachodnaja i vychodnaja adtuliny, abiedźvie treba zakryć.

(Adznačym, što na inšym kałažy, apublikavanym Minzdaroŭja, hety płastyr jość, ale nie jasna, ci da takoj samaj aptečki jon adnosicca).

Nazafarynhiealnyja trubki, jakija jość u indyvidualnych aptečkach, pavinny być padabranyja indyvidualna pad kožnaha bajca.

«Antysieptyki — reč dobraja, i chłorhieksidzin taksama, bo jaho možna lić navat u rany, ale na heta ŭ bai niama času i mahčymaści. Kali ranu tampanuješ, to jaje apracoŭvać antysieptykam nie budzieš».

Pavialičyć

Na jašče adnym fotazdymku z palihona — raskładzienyja miedyčnyja preparaty, niby na vystavie. 

Traŭmatołah źviartaje ŭvahu, što heta inšaja aptečka — nie indyvidualnaja, a hrupavaja. Jana pryznačanaja nie dla samadapamohi, a dla dapamohi inšamu čałavieku.

U joj:

— bint;

— krovaspynialny žhut turnikietnaha typu;

— chłorhieksidzin — antysieptyk;

— palčatki;

— akluzijny płastyr (praduchilaje traplańnie pavietra, vilhaci i mikraarhanizmaŭ u ranu z navakolnaha asiarodździa);

— hiemastatyčny płastyr (pryznačany dla spynieńnia kryvaciokaŭ ź niehłybokich paviarchoŭnych ran);

— šprycy-ciubiki z marfinam;

— chirurhičnyja instrumienty (nažnicy, ściskač);

— pierakis vadarodu;

— jod;

— antybijotyk;

— armiravany skotč (im fiksujecca šyna, nakładajecca na bint ci paviazku, baronić ad vilhaci i brudu);

— pavietravod (pryznačany dla adnaŭleńnia i padtrymańnia dychańnia padčas reanimacyjnych dziejańniaŭ, ahulnaha narkozu i nieprytomnych pacyjentaŭ);

— tabletki.

Nastaśsia Machamiet zaŭvažaje, što hrupavaja aptečka sabranaja pa toj ža łohicy, što i indyvidualnaja. Jana niebłahaja, ale jość pytańni da jakaści i kolkaści taho, što ŭ joj lažyć.

Na fotazdymku ŭ kamplekcie bajca-ratavalnika bačnyja tolki dva akluzijnyja płastyry. Chacia kamplekt pavinien być raźličany na akazańnie dapamohi dziesiaci bajcam — havorka nie pra dźvie naklejki dakładna.

U paramiedykaŭ, adznačaje Nastaśsia, zaŭsiody jość zapas krovaspynialnych žhutoŭ, bandažoŭ, nazafarynhiealnych trubak i inšych nieabchodnych preparataŭ i ryštunku.

Minabarony apublikavała FOTA indyvidualnaj aptečki, jakaja «lepšaja za nataŭskuju»

Łukašenka — rasijskim vajskoŭcam: Supolnuju spravu robim

«My pieražyvajem śmierć nadziej i stalejem jak nacyja». Psichołahi pra toje, što ciapier adbyvajecca ź biełarusami i jak z hetym spravicca

• 51
• 0
• 13
• 14
• 4
• 4
• 22
• 0