Były načalnik brytanskaha hienštaba: Zachadu treba rychtavacca da strymlivańnia Rasii i paśla ŭkrainskaj vajny
«Našy lidary ryzykujuć paŭtaryć pamyłki 1930-ch hadoŭ, kali my mahli pasprabavać praduchilić Druhuju suśvietnuju vajnu», — piša ŭ artykule ŭ haziecie Daily Telegraph były načalnik brytanskaha hienštaba Ryčard Danat. Jaho artykuł nazyvajecca «Pucin, moža, i pravaliŭsia, ale Zachad nie hatovy da taho, što budzie dalej».
Hienierał Danat miarkuje, što Zachad pavinien rychtavacca da doŭhaha i darahoha strymlivańnia Rasii i paśla ŭkrainskaj vajny. Na jaho dumku, zimovaje abo viesnavoje nastupleńnie Rasii, pra padrychtoŭku jakoha šmat kažuć u apošni čas, chutčej za ŭsio, pravalicca, i naohuł prynamsi maralnaja pieravaha ciapier — na baku ŭkraincaŭ.
«Ale zastajecca pytańnie: navat kali Rasija budzie vymušanaja vyvieści vojski z Ukrainy (uklučajučy Krym), ci źmienicca staŭleńnie Kramla da Zachadu, z Pucinym ci bieź jaho? […]
Kali Zachad znoŭ zmoža daviarać Rasii? Kali buduć admienienyja sankcyi? Jak jeŭrapiejskija krainy dabjucca taho, kab bolš nikoli nie dazvolić sabie ŭpaści ŭ takuju handlovuju ŭzajemaźviazanaść z Rasijaj i enierhietyčnuju zaležnaść ad jaje?
Voś niazručnyja pytańni, adkazy na jakija pavinny napružana šukać NATA, ZŠA i jeŭrapiejskija lidary», — piša hienierał Danat.
Samy realistyčny adkaz, na dumku samoha hienierała, u tym, što
Zachadu i dalej pryjdziecca ćviorda, adzinym frontam supraćstajać lubym ekspansijanisckim pamknieńniam Rasii.
«Jak i ŭ časy Chałodnaj vajny, NATA nie źbirajecca napadać na Rasiju, ale dośvied apošniaha hoda pakazvaje z usioj pierakanaŭčaściu, što
Rasiju treba strymlivać i padšturchoŭvać da taho, kab jana pahadziłasia zaniać svajo miesca ŭ zasnavanym na praviłach mižnarodnym paradku, jaki tak staranna vybudoŭvaŭsia paśla Druhoj suśvietnaj vajny», — piša brytanski hienierał.
Pry hetym, pakolki davier da Rasii kančatkova stračany, Zachadu, na dumku hienierała Danata, ničoha nie zastajecca, akramia jak pavialičvać vajskovyja vydatki i ŭmacoŭvać svaju miažu z Rasijaj.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary
2. Jadiernoje i nastupatielnoje vooružienije dołžno byť zabrano u etich mańjakov!